ខណៈដែល Samsung កំពុងប្រើប្រាស់ Galaxy Note 9 ដើម្បីវាយប្រហារ Apple ក្រុមហ៊ុន Huawei ឯណេះវិញបានប្រើយុទ្ធសាស្ត្រដូចគ្នាដើម្បីវាយប្រហារ Samsung។
Huawei បានបង្ហោះរូបភាពមួយសន្លឹកជារូបភាព Huawei P10 ដាក់ផ្ទឹមនឹង P20 Pro ដោយមានភ្ជាប់មកនូវអក្សរមួយឃ្លាមានន័យថា ៖ "នេះទើបហៅថាការ Upgrade នៃជំនាន់ពិតៗ"។
ជាមួយរូបភាពនេះក៏មាននូវ Caption ដែលមានអត្ថន័យថា ៖ "យើងបានបោះជំហានយ៉ាងធំ ពេលប្រកាសចេញ P20 Pro យើងបានធ្វើការ Upgrade ពិតៗ ដែលនឹងផ្លាស់ប្ដូរជីវិតប្រចាំថ្ងៃដូចជាកាមេរ៉ា ៣ គ្រាប់ កម្រិត ៤០ MP, អាច Zoom បាន ៥ ដង និងច្រើនទៀត។ ស្រមៃមើលថាបន្ទាប់មកទៀតនឹងមានអ្វី?"។
ត្បិតថា Huawei មិនបានលើកឡើងពី Samsung ឬ Galaxy Note 9 ប៉ុន្តែការជ្រើសរើសពេលវេលាដើម្បីបង្ហោះរូបនេះ បានបង្ហាញច្បាស់ថាចង់ឌឺដងឲ្យ Samsung៕
ប្រភព៖
PhoneArena
