ជើងខ្លាំងប្រេស៊ីល ឈ្នះ ស៊ែប៊ី ២-០ ស្របពេលស្វីស បានត្រឹមស្មើជាមួយកូស្តារីកា នៅ World Cup 2018
28/06/2018
(ម៉ូស្គូ)៖ ក្រុមបាត់ទាត់សាំបាប្រេស៊ីល បានរក្សាកំណត់ត្រាលេងមិនចាញ់ក្នុងវគ្គជម្រុះសន្សំពិន្ទុ៣ប្រកួតប្រចាំពូល E តាមរយៈយកឈ្នះស៊ែប៊ី ២-០ ស្របពេលស្វីស បានត្រឹមស្មើ ២-២ ជាមួយកូស្តារីកា នៅ World Cup 2018 ដែលមានរុស្ស៊ីធ្វើម្ចាស់ផ្ទះ។
៣ពិន្ទុបន្ថែមនេះដែរបានជួយអោយអតីតម្ចាស់ជើងឯក World Cup ៥សម័យច្រើនជាងគេ ប្រេស៊ីល ឈរនៅកំពូលតារាងនៃពូល E ដោយមាន៧ពិន្ទុ ខណៈក្រុមនៅអឺរ៉ុប ស្វីសជាប់លេខ២ ឈ្នះកៅអីឡើងទៅវគ្គ១៦ក្រុមចុងក្រោយដូចគ្នា
ប្រេស៊ីល នឹងត្រូវប៉ះក្រុមលេខ២ ក្នុងពូល F មិចស៊ិក ជាមួយនឹងក្រុមលេខ១ ពូល F ស៊ុយអែត ត្រូវជួបក្រុមលេខ២ ពូល E ស្វីសនៃវគ្គ១៦ក្រុមចុងក្រោយ ក្នុង FIFA World Cup 2018 លើកទី២១ នេះ៕
