លោកសៀង សុខ ព្រះរាជអាជ្ញារងអមសាលាដំបូងរាជធានីភ្នំពេញបានចេញដីកាកោះអញ្ជើញដើមបណ្តឹងម្នាក់ឲ្យចូលបំភ្លឺនៅថ្ងៃទី២៥ខែមិថុនានេះផងដែរ។
សូមបញ្ជាក់ថា លោក ហូរ ចំរើន អតីតឧកញ្ញាផ្កាយ៣យោធា ត្រូវបានចៅក្រមសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារជាបណ្ដោះអាសន្ន ពីបទគំរាមថានឹងសម្លាប់និងបទប្រើប្រាស់អាវុធខុសច្បាប់។
ជនជាប់ចោទឈ្មោះ ហូរ ចំរើន អាយុ៣៨ឆ្នាំ ជាមន្ត្រីយោធាក្រសួងការពារជាតិថ្នាក់ឧត្តមសេនីយ៍ឯក
ដែលត្រូវបានព្រះមហាក្សត្រតែងតាំងជាឧកញ្ញា នៅថ្ងៃទី ១២មេសា ឆ្នាំ២០១៨។
និងមានមុខងារជាទីប្រឹក្សាថ្នាក់ដឹកនាំកំពូលទៀតផង។
ដែលត្រូវបានកម្លាំងនគរបាលក្រសួងមហាផ្ទៃឃាត់ខ្លួន បញ្ជូនមកសាលាដំបូងរាជធានីភ្នំពេញកាលពីរសៀលថ្ងៃទី ១៦ខែឧសភា ឆ្នាំ២០១៨ដើម្បីសាកសួរករណីបាញ់បោះគំរាមកំហែងឪពុកម្ដាយក្មេកកាលពីថ្ងៃទី២១ ខែមេសា ឆ្នាំ២០១៨កន្លងទៅ នៅភូមិគ្រឹៈស្ថិតនៅភូមិព្រៃស សង្កាត់ព្រៃស ខណ្ឌដង្កោ រាជធានីភ្នំពេញ ។
ក្រោយពេលជាប់ឃុំនៅពន្ធនាគាររួចមកព្រះមហាក្សត្របានចេញព្រះរាជក្រឹត្យបញ្ចប់មុខតំណែងទាំងអស់ មិនតែប៉ុណ្ណោះពេលនេះបានរងបណ្ដឹង២ផ្សេងគ្នាករណីលុយ២០០លានដុល្លារទៀត។
