FIFA 19 ចេញ​​កាល​បរិច្ឆេទ​ទាញ​យក​ ថែម​ទាំង​មាន​ Trailer ឱ្យមើល​មុន​ទៀត

ក្នុង​ពិព័រណ៍ E3 2018 ដែល​ប្រព្រឹត្តិ​ទៅ​ក្នុង​ទីក្រុង Los Angeles រដ្ឋ California សហរដ្ឋអាមេរិក EA បាន​ប្រកាស​ព័ត៌មាន​ទាក់ទង​ហ្គេម​បាល់ទាត់ FIFA 19។

ថ្លែង​ក្នុង​សន្និសីទ​ ក្រុមហ៊ុន​អាមេរិក​បាន​បង្ហើប​ពី​ចំណុច​ពិសេស​ ដែល​ហ្គេម​​ថ្មី​របស់​ខ្លួន​ទើប​តែ​ទទួល​បាន​អាជ្ញាប័ណ្ណ​ពេញលេញ​ពី​សហព័ន្ធ UEFA សម្រាប់​វគ្គ​ប្រកួត Champions League ដែល​ទើប​បញ្ចប់​កិច្ចសហការ​រវាង​ហ្គេម Pro Evolution Soccer (PES) របស់​ក្រុមហ៊ុន Konami។ ក្រៅ​ពី​នេះ​ មាន​មុខងារ​ឲ្យ​ឈ្មោះ Online Friendlies អាច​ឲ្យ​អ្នក​លេង​ Invite មិត្តភ័ក្ដិមក​ចូលរួម​ប្រកួត និង​អាច​តាមដាន​ព័ត៌មាន​ ៥ ប្រកួត​ជា​មុន​របស់​ដៃគូ​ប្រជែង។

FIFA 19 នឹង​បន្ថែម​ការ​គាំទ្រ​លើ​ឧបករណ៍ Nintendo Switch រួម​នឹង PlayStation 4, Xbox One និង Windows PC អម​ម៉ាស៊ីន​ហ្គេម​ធុន​ទាប​ដូច​ជា PlayStation 3 និង Xbox 360។ ការ​បើក​ឲ្យ​ទាញ​យក​នឹង​ធ្វើ​ឡើង​នា​ថ្ងៃ​ទី ២៨ កញ្ញា ប៉ុន្តែ​សម្រាប់​អ្នក Pre Order កញ្ចប់​ Champions Edition នឹង​មាន​សិទ្ធិលេង​បាន​មុន​រយៈ​ពេល ៣ ថ្ងៃ។

ទស្សនា​វីដេអូ Trailer នៅ​ខាង​ក្រោម៖







ប្រភព៖ ibtimes