ប្រភព៖ Coconut
មកដឹង ចំណាយសរុបនៃជំនួបកំពូលអាមរិក-កូរ៉េខាងជើង នៅសិង្ហបុរី
11/06/2018
នៅក្នុងសន្និសីទសារព័ត៌មានមួយកាលពីព្រឹកមិញនេះ នាយករដ្ឋមន្រ្តីសិង្ហបុរី Lee Hsien Loong បានចំណាយសរុបសម្រាប់ជំនួបកំពូលរវាងអាមេរិក និងកូរ៉េខាងជើង។
ដោយសារតែកិច្ចប្រជុំនេះប្រព្រឹត្តទៅក្នុងប្រទេស សិង្ហបុរី ដូចនេះរាល់ការចំណាយទាំងអស់ជាបន្ទុករបស់រដ្ឋាភិបាល។ នាយករដ្ឋមន្រ្តីខាងលើឲ្យដឹងថា កិច្ចប្រជុំកំពូលនេះត្រូវចំណាយសរុបប្រមាណ ២០ លានដុល្លារជាថវិការបស់រដ្ឋផ្ទាល់។ លោកបន្ថែមថា "យើងប្រហែលជាទទួលបានប្រាក់មកវិញតិចតួចប៉ុណ្ណោះ ប៉ុន្តែយើងមានឆន្ទៈក្នុងការចំណាយដែលវាជាការចូលរួមរបស់យើងក្នុងកិច្ចខិតខំប្រឹងប្រែងដើម្បីជាប្រយោជន៍សម្រាប់ពិភពលោកទាំងមូល។”
គួរបញ្ជាក់ថា ជំនួបកំពូលរវាងមេដឹកនាំទាំង២ នឹងត្រូវធ្វើឡើងនៅឯសណ្ឋាគារផ្កាយ៥ Capella នៅលើកោះ Sentosa របស់សិង្ហបុរី នាថ្ងៃទី១២ ខែមិថុនាខាងមុខនេះ៕
