លោក Ming-Chi Kuo បានត្រលប់មកវិញ ជាមួយការទស្សន៍ទាយនូវតម្លៃ iPhone សេរ៊ីថ្មី ៣ ម៉ូឌែលរំពឹងបង្ហាញខ្លួនក្នុងខែកញ្ញា ឆ្នាំ ២០១៨ នេះ។ កន្លងទៅ ក៏ធ្លាប់បង្ហាញពីការព្រួយបារម្ភនៃការដំឡើងថ្លៃជ្រុលលើស្មាតហ្វូនទំនើបបច្ចុប្បន្ន ប៉ុន្តែលោកហ៊ានសន្និដ្ឋានថា Apple ក៏នឹងបន្ថែមលក្ខណៈសម្បត្តិគ្រឿងកាន់តែខ្លាំងសម្របគ្នាផងដែរ។
ប្រភពដដែលបន្ត iPhone ទាំងបីម៉ូឌែល នឹងបំពាក់នូវប្រព័ន្ធកាមេរ៉ា True Depth គាំទ្រការប្រើប្រាស់មុខងារស្កេនផ្ទៃមុខ Face ID អមការរចនាអេក្រង់គែមពេញផ្ទៃសងខាង៕
+តម្លៃ iPhone ឆ្នាំ ២០១៨ ដែលលោក Kuo ទស្សន៍ទាយ:
- iPhone X Plus ប្រើអេក្រង់ OLED ទំហំ ៦,៥ អ៊ីញ ថ្លៃចន្លោះ ៩០០ – ១ ០០០ ដុល្លារ
- iPhone X ជំនាន់ថ្មីប្រើអេក្រង់ OLED ទំហំ ៥,៨ អ៊ីញ ថ្លៃចន្លោះ ៨០០ – ៩០០ ដុល្លារ
- iPhone ប្រើអេក្រង់ LCD ទំហំ ៦,១ អ៊ីញ ថ្លៃចន្លោះ ៦០០ – ៧០០ ដុល្លារ
