«ទៅចុះនរកទៅ!» នេះគឺជាសម្ដីរបស់លោក ឌូតឺតេ ប្រាប់អ្នកជំនាញសិទ្ធិមនុស្ស UN

(ម៉ានីល)៖ ប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ បានប្រាប់អ្នកជំនាញផ្នែកសិទ្ធិមនុស្សម្នាក់ របស់អង្គការសហប្រជាជាតិ ​(UN) ដែលបាននិយាយថា ឯករាជ្យភាពនៃប្រព័ន្ធតុលាការ ហ្វីលីពីន កំពុងត្រូវបានគំរាមកំហែង ឱ្យទៅចុះនរក ហើយលោកក៏បានព្រមានអ្នកជំនាញរូបនេះផងដែរ កុំឱ្យលូកដៃចូលកិច្ចការផ្ទៃក្នុងប្រទេសរបស់លោក។ នេះបើតាមការចេញផ្សាយដោយទីភ្នាក់ងារសារ ព័ត៌មាន Reuters នៅថ្ងៃអាទិត្យ ទី០៣ ខែមិថុនា ឆ្នាំ២០១៨។
ការថ្លែងបែបនេះរបស់លោក ឌូតឺតេ ធ្វើឡើងនៅក្នុងសន្និសីទសារព័ត៌មានមួយកាលពីយប់ថ្ងៃសៅរ៍ មុននឹងលោកបំពេញដំណើរ ទស្សនកិច្ចផ្លូវរដ្ឋទៅកាន់ប្រទេសកូរ៉េខាងត្បូង។ ថ្លែងនាឱកាសនោះ ប្រធានាធិបតីហ្វីលីពីនរូបនេះ បានលើកឡើងដូច្នេះថា៖«ប្រាប់ គាត់ (លោក Diego García-Sayán) កុំឱ្យលូកដៃចូលកិច្ចការផ្ទៃក្នុងនៃប្រទេសរបស់ខ្ញុំ...បើមិនពុំដូចច្នោះទេ គាត់អាចទៅចុះនរក បាន»។

គួរបញ្ជាក់ថា​ ប្រតិកម្មរបស់លោក ឌូតឺតេ កើតមានឡើង បន្ទាប់ពីអ្នករាយការណ៍ពិសេស UN ទទួលបន្ទុកលើឯករាជ្យភាពចៅក្រម និងមេធាវី លោក Diego García-Sayán បានកត់សម្គាល់ កាលពីថ្ងៃសុក្រថា ការបណ្ដេញចៅក្រមតុលាការកំពូល លោកស្រី Maria Lourdes Sereno ចេញពីតំណែងកាលពីខែឧសភា ដែលលោកឌូតឺតេផ្ទាល់ធ្លាប់ហៅថាជា «សត្រូវ» សម្រាប់ការបោះឆ្នោតប្រឆាំង នឹងសំណើដ៏ចម្រូងចម្រាស់ នៃរដ្ឋាភិបាលរបស់លោក គឺជាសារគំរាមកំហែងមួយដល់ចៅក្រមតុលាការកំពូល និងសមាជិកស្ថាប័ន យុត្តិធម៌ដទៃទៀតនៃប្រទេសហ្វីលីពីន៕
«ទៅចុះនរកទៅ!» នេះគឺជាសម្ដីរបស់លោក ឌូតឺតេ ប្រាប់អ្នកជំនាញសិទ្ធិមនុស្ស UN «ទៅចុះនរកទៅ!» នេះគឺជាសម្ដីរបស់លោក ឌូតឺតេ ប្រាប់អ្នកជំនាញសិទ្ធិមនុស្ស UN Reviewed by Laiheang Vobfm on 6/03/2018 Rating: 5
Powered by Blogger.