iOS 11.4 កែប្រែ​ ៤ ចំណុច​ធំៗ​ ល្មម​ឲ្យ​អ្នកប្រើ iPhone ពេញចិត្តស្តូក​

ក្រុមហ៊ុន Apple បាន​បើក​ឲ្យ​ប្រើប្រាស់ iOS 11.4 កាល​ពី​ប៉ុន្មាន​ថ្ងៃ​មុនដោយ​បន្ថែម​មុខងារ​ថ្មី និង​កែ​កំហុស​ឆ្គង​មួយ​ចំនួន។ ក្នុង​នោះ​មាន​ការ​កែប្រែ​ ៤ ចំណុច​ធំៗ​ ដែល​អ្នក​​ប្រើប្រាស់​អាច​គិតគូរ​អាប់ដែត​ទៅ iOS ជំនាន់​ក្រោយ​​នេះ​។

១.កែ​កំហុស​ឆ្គង​គ្រាប់​មូល​ខ្មៅ (Black-dot):

លើ iOS 11.3 បាន​បង្កើត​រឿង​ឈឺ​ក្បាល​ជុំវិញ​សារ​ចម្លែក Black-dot អាច​ធ្វើ​ឲ្យ​ម៉ាស៊ីន​ជួប​បញ្ហា​គាំង​ឬ​រលត់​ដោយ​ឯកឯង ប៉ុន្តែ​ចូល​ដល់​ជំនាន់​ថ្មី​កំហុស​ឆ្គង​នោះ​បាន​បំបាត់​ចោល​ហើយ។

២.ការ​គាំទ្រ​មុខងារ ClassKit:

ClassKit ជា​មុខងារ​ងាយស្រួល​មួយ​ផ្តល់​ឲ្យ​គ្រូ​បង្រៀន​អាច​ធ្វើ​ការ​ត្រួតពិនិត្យ​សិស្ស តាម​រយៈ​កិច្ចការ​សាលា ជាមួយ​កម្មវិធី Schoolwork។ យោង​តាម Apple បាន​សង្កត់​ធ្ងន់​ថា​ មុខងារ​នេះ​ជួយ​ឲ្យ​គ្រូ​បង្រៀន​អាច​រក​ឃើញ​សកម្មភាព​មួយ​ចំនួន​របស់​សិស្ស ឆ្លង​កាត់​ការ​ប្រើប្រាស់​រហ័ស សុវត្ថិភាព និង​ឯកជន​ភាព​រវាង​ទិន្នន័យ​ទាំង​អំបាលម៉ាន។

៣.ផ្ទៃ Wallpaper ថ្មី:

ផ្ទៃ Wallpaper ដែល​ធ្លាប់​តែ​មាន​លើ iPhone 8/8 Plus ជំនាន់​ពណ៌​ក្រហម Product(RED) ក្នុង​ពេល​នេះ​អាច​ប្រើ​បាន​ដោយ​សេរី លើ​គ្រប់​ឧបករណ៍​ឈរ​លើ iOS 11.4។ ចូល​ទៅ​កាន់ Settings > Wallpaper > Choose a New Wallpaper > Stills និង​មើល​ទៅ​ជួរ​ទី ៤។

៤.Message ក្នុង iCloud:

មុខងារ​ថ្មី​នេះ​អនុញ្ញាត​ឲ្យ​អ្នក​ធ្វើ​រក្សា​ទុក iMessages ក្នុង​គណនី iCloud ពោល​គឺ​ត​ភ្ជាប់​ទៅ​កាន់ iDevices ដទៃ។ ប្រសិន​អ្នក​លុប Messages លើ iPhone នោះ​ទិន្នន័យ​លើ​កុំព្យូទ័រ​ក៏​ត្រូវ​បាត់បង់​ដូច​គ្នា។ ចូល​ទៅ​កាន់ Settings > វាយ​បញ្ចូល​ Apple ID ដំណើរការ iCloud > បើក​ដំណើរការ​មុខងារ Mesages > ត្រលប់​មក Home > បើក​ដំណើរការ​កម្មវិធី​ជា​ធម្មតា។




ប្រភព៖ idropnews   
iOS 11.4 កែប្រែ​ ៤ ចំណុច​ធំៗ​ ល្មម​ឲ្យ​អ្នកប្រើ iPhone ពេញចិត្តស្តូក​ iOS 11.4 កែប្រែ​ ៤ ចំណុច​ធំៗ​ ល្មម​ឲ្យ​អ្នកប្រើ iPhone ពេញចិត្តស្តូក​ Reviewed by Laiheang Vobfm on 6/02/2018 Rating: 5
Powered by Blogger.