អត្ថបទ និងព័ត៌មានថ្មីៗ

ព្រឹត្តិការណ៍ WWDC ថ្ងៃទី ៤ មិថុនា Apple នឹងបង្ហាញអីខ្លះ?

បញ្ចូលដោយ៖ Laiheang Vobfm - 01/06/2018

របាយការណ៍ពី Bloomberg បានឲ្យដឹងថា ព្រឹត្តិការណ៍ WWDC 2018 ដែលត្រៀមប្រព្រឹត្តិទៅនាថ្ងៃចន្ទនេះ Apple នឹងប្រកាសបង្ហាញមុខងារថ្មីឲ្យឈ្មោះ Digital Health ក្នុងប្រព័ន្ធប្រតិបត្តិ iOS 12 ជាការឆ្លើយតបចំពោះមតិលើកឡើងដែលចង់ឲ្យក្រុមហ៊ុនយក្សអាមេរិក ត្រូវមានទំនួលខុសត្រូវក្នុងការកាត់បន្ថយភាពញៀនលើឧបករណ៍របស់ខ្លួន ដោយអនុញ្ញាតឲ្យអ្នកប្រើអាចតាមដានពីចំនួនម៉ោងនៃការប្រើប្រាស់ឧបករណ៍ Apple។

ក៏មានណែនាំមុខងារ ARKit 2.0 ផ្តល់ឲ្យវិស្វករកម្មវិធីអាចពង្រឹងការបង្កើតកម្មវិធី AR អនុញ្ញាតឲ្យអ្នកលេងចូលរួមប្រកួតជាមួយគ្នាតាមរយៈ Virtual Background តែមួយ ពោលជាគោលបំណងអភិវឌ្ឍដ៏ធំមួយរបស់លោក Tim Cook កំពុងសម្លឹងឃើញទៅថ្ងៃមុខ។

អ្វីដែលសំខាន់ជាងនេះគឺការដាក់បង្ហាញនាឡិកា Apple Watch ស៊េរីថ្មី ដែលមានប្រភេទខ្សែ ៣៨ ម.ម និង ៤២ ម.ម ជាមួយអេក្រង់ពេញគែមសងខាងកាន់តែប្រណីតជាងមុន អមការបញ្ចូលនូវមុខងារថ្មីជាច្រើន ដែល Sabay នឹងលំអិតកាន់តែច្បាស់ការក្នុងថ្ងៃនោះផ្ទាល់តែម្តង។