ក្រសួងធនធានទឹក៖ ភ្លៀងនឹងធ្លាក់រាយប៉ាយ នៅរាជធានីខេត្តមួយចំនួនចាប់ពីថ្ងៃទី១២ ដល់ថ្ងៃទី១៨ ខែឧសភា, សូមបងប្អូនប្រុងប្រយ័ត្ន ចំពោះបាតុភូតផ្គរ រន្ទះ និងខ្យល់កន្ត្រាក់!

(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹង អំពីបញ្ហាអាកាសធាតុនៅកម្ពុជា ដោយបានបញ្ជាក់ថា ដោយសារឥទ្ធិពលសម្ពាធទាប នឹងបង្កឱ្យមានភ្លៀងធ្លាក់រាយប៉ាយ ជាបន្តបន្ទាប់នៅទូទាំងប្រទេស ចាប់ពីថ្ងៃទី១២ ដល់ថ្ងៃទី១៨ ខែឧសភា ឆ្នាំ២០១៨។
ក្រសួងបញ្ជាក់ថា រាជធានីខេត្តមួយចំនួនអាចនឹងប្រឈមទឹកជំនន់ទឹកភ្លៀង ដោយទទួលរងនូវខ្យល់មូសុងនិរតី និងជ្រលងសម្ពាធទាប ដែលហេតុនេះហើយ សូមអំពាវនាវឲ្យប្រជាពលរដ្ឋ បង្កើនការប្រុងប្រយ័ត្នចំពោះបាតុភូតផ្គរ រន្ទះ និងខ្យល់កន្ត្រាក់៕