បុរសជាប់សង្ស័យមានឈ្មោះ សុខ ពី អាយុ៤៣ឆ្នាំ មុខរបរមេការភ្លើង ស្នាក់នៅទីស្នាក់ភ្លើង ភូមិចំបក់ ឃុំពត់សរ ស្រុកបាទី ខេត្តតាកែវ ។ ការចាប់ឃាត់បុរសរូបនេះត្រូវបានសមត្ថកិច្ចឲ្យដឹថា ជាការអនុវត្តតាមដីកាបញ្ជាឲ្យចូលខ្លួនរបស់លោក ងិន ពេជ្រ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ។
សមត្ថកិច្ចឲ្យដឹងទៀតថា ក្រោយពេលចាប់ឃាត់ខ្លួនបុរសជាប់សង្ស័យត្រូវបាននាំទៅប្រគល់ជូនតំណាងអយ្យការតាមនីតិវិធី តែត្រង់ថា ពាក់ព័ន្ធដើមចមរឿងរំលោភលើទំនុកចិត្តនោះ ខាងសមត្ថកិច្ចមិនបានដឹងទេ ។ ជនសង្ស័យកំពុងស្ថិតនៅតំណាងអយ្យការសាកសួរ និងមិនទាន់បានសម្រេចយ៉ាងណានៅឡើយដែរ ប៉ុន្តែដោយវេលាល្ងាចទៅហើយ ជនសង្ស័យបានផ្ញើទៅសមត្ថកិច្ចគ្រប់គ្រងបណ្តោះអាសន្នវិញតម្រូវឲ្យព្រឹកថ្ងៃទី០៩ ឧសភានេះ នាំមកសួរជាផ្លូវការណ៍ ។
