មន្ត្រីនគរបាលចរាចរក្រុងបានលុង បានឲ្យដឹងថា រថយន្តបង្កជាប្រភេទយីឌុប ពណ៌ខៀវ ពាក់ស្លាកលេខ កំពង់ចាម 3A-3167 បើកបរដោយជនមិនស្គាល់អត្តសញ្ញាណម្នាក់ ពីព្រោះគេបានរត់គេចខ្លួនបាត់។ រីឯម៉ូតូរងគ្រោះ ម៉ាកស៊ីរ៉ូស ពណ៌ស គ្មានស្លាកលេខ ហើយសមត្ថកិច្ចក៏មិនទាន់ស្គាល់ពីអត្តសញ្ញាណរបស់ជនរងគ្រោះនៅឡើយដែរ។មន្ត្រីនគរបាលដដែល បានបន្តថា បើតាមការពិនិត្យមើលភិនភាគ គឺជនរងគ្រោះមានសម្បុរស្រអែម សក់ស្លូត ពាក់អាវយឺតដៃខ្លី ឆ្នូតសលាយខ្មៅ និងមានអាវធំខ្មៅ ពាក់ពីខាងក្រៅ ហើយស្លៀកខោខ្មៅជើងវែង មានអាយុប្រហែលជាង២០ឆ្នាំ។
រីឯសម្ភារនៅជាប់នឹងខ្លួនជនរងគ្រោះ មានខ្សែកប្លាទីន១ខ្សែ មានបន្តោងខ្នែងជ្រូក។ក្រោយពេលកើតហេតុ សមត្ថកិច្ចបានដឹកសាកសពរបស់ជនរងគ្រោះ យកទៅតម្កល់ទុក នៅក្នុងមន្ទីរពេទ្យបង្អែកខេត្ត។ បើតាមគ្រូពេទ្យ នៃមន្ទីរពេទ្យខេត្ត បានប្រាប់អ្នកសារព័ត៌មានងថា សពអាចរក្សាទុករយៈពេល១ថ្ងៃកន្លះ បើអត់មានបងប្អូនសាច់ញាតិមកទទួលទេ ខាងមន្ទីរពេទ្យនឹងបូជាសពហើយ។
