Wenger ត្រូវមានភារកិច្ចដឹកនាំ Arsenal ពីរប្រកួតចុងក្រោយទៀតនៅក្នុងលីគ មុនពេលចាកចេញ ក្រោយចំណាយពេលជិត២២ឆ្នាំនៅទីនោះ។ កាំភ្លើងធំមិនទាន់បង្ហាញថា ត្រូវតែងតាំងគ្រូថ្មីនៅពេលណាទេ តែពួកគេចង់រកអ្នកជំនួស Wenger ឲ្យបានមុន World Cup ប្រទេសរុស្សី ដែលរៀបចំនៅថ្ងៃទី ១៤ ខែ មិថុនា ឆ្នាំ ២០១៨ ខាងមុខ។
អតីតគ្រូ Barcelona លោក Luis Enrique ជាបេក្ខជនដែលអាចនឹងមកកាន់ Arsenal ស្របពេលអ្នកចាត់ការក្លឹប Juventus លោក Massimiliano Allegri ក៏មានឈ្មោះដូចគ្នា។ ក្រៅពីបុរសពីរនាក់នេះ អតីតកីឡាករ Arsenal ពីររូប Mikel Arteta និង Patrick Vieira រួមទាំង លោក Leonardo Jardim គ្រូរបស់ Monaco និង Carlo Ancelotti សុទ្ធតែជាបេក្ខជនស្នងការងាររបស់ Wenger៕
