Apple ប្រកាស​បិទ​ Downgrade/Restore ទៅ​កាន់ iOS 11.3 ជា​ផ្លូវការ

Apple បាន​សម្រេច​បិទ​ឲ្យ Downgrade/Restore ទៅ​កាន់ iOS 11.3 ពោល​គឺ​អ្នក​ប្រើប្រាស់​មាន​សិទ្ធិ​ដំឡើង​ទៅ​កាន់​តែ iOS ជំនាន់​ក្រោយ​​តែ​មួយ​គត់។ បច្ចុប្បន្ន​កំណែ​ចុង​ក្រោយ​គឺ iOS 11.3.1 ស្រប​ពេល​ខាង​ក្រុម​អ្នក​អភិវឌ្ឍ​កម្មវិធី (Developer)​​ កំពុង​ដុតដៃដុតជើង​កែច្នៃ​កំណែ​សាកល្បង iOS 11.4។​

iOS 11.3.1 បាន​ដាក់​ឲ្យ​ប្រើប្រាស់​ជាង ២ សប្តាហ៍ ដោយ​បាន​កែ​​កំហុស​ឆ្គង​ប្រព័ន្ធ Touch មិន​ដំណើរការ​លើ​អេក្រង់ iPhone 8 ដែល​ទទួល​ការ​ជួសជុលចន្លោះ​ប្រហោង​ដទៃ​ផ្សេង​ទៀត។

ជុំវិញ​ដំណឹង Jailbreak ក្រុម​ Tencent Keen Security Lab របស់​ប្រទេស​ចិន ក៏​ទើប​ជោគជ័យ​លើ​ការ​បំបែក​កូដ iOS 11.3.1 ប៉ុន្តែ​មិន​ទាន់​បើក​ឲ្យ​ប្រើប្រាស់​ជា​សាធារណៈ​នៅ​ឡើយ។ ប៉ុន្តែ​អ្នក​ប្រើប្រាស់​ឈរ​លើ​ជំនាន់ iOS 11-11.1.2 អាច​សាកល្បង​ហែកគុក​បាន​តាម​រយៈ​កម្មវិធី Electra ដែល​បើក​ឲ្យ​ប្រើ​កាល​ពី​ខែ​កុម្ភៈ។



ប្រភព៖ iclarified