ធ្លាប់​តែ​ទិញ​ខ្សែ​សាក​ថ្ម​រហ័ស​អស់​រាប់​សិប​ដុល្លារ iPhone ជំនាន់​ក្រោយ​លែង​វេទនា​ទៀត​ហើយ - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

ធ្លាប់​តែ​ទិញ​ខ្សែ​សាក​ថ្ម​រហ័ស​អស់​រាប់​សិប​ដុល្លារ iPhone ជំនាន់​ក្រោយ​លែង​វេទនា​ទៀត​ហើយ

04/05/2018
ប្រភព​ពី​គេហទំព័រ Weibo បាន​ឲ្យ​ដឹង​ថា iPhone សេរ៊ី​ឆ្នាំ ២០១៨ គ្រោង​បន្ថែម​ ដុំ​សាក​កម្លាំង ១៨ វ៉ាត់ និង​ខ្សែ USB-C មក​ជាមួយ​ពី​ក្នុង​ប្រអប់ ដែល​អនុញ្ញាត​ឲ្យ​អតិថិជន​ប្រើ​មុខងារ​សាក​ថ្ម​រហ័ស​បាន ដោយ​មិន​បាច់​ចំណាយ​លុយ​ទិញ​ឧបករណ៍​បន្ថែម​ដូច​សព្វថ្ងៃ។​
ដំណើរការ​នៃ​ការ​សាក​ថ្ម​លឿន​នឹង​ធ្វើ​ឲ្យ iPhone ឡើង​ថ្ម​ពី ០ ទៅ ៥០ ភាគរយ​ ប្រើ​ពេល​ត្រឹម​កន្លះ​ម៉ោង។ ប៉ុន្តែ​ពុំ​មាន​ន័យ​ថា​​ ក្រុមហ៊ុន​អាមេរិក​នឹង​បោះបង់​ខ្សែ Lightning ស្តង់ដារ​របស់​ខ្លួន​រាប់​ឆ្នាំ​មក​នោះ​ទេ ពោល​គឺ​គ្រាន់​តែ​រចនា​បន្ថែម​នូវ​ដុំ​ថ្មី​និង​ដោត​ភ្ជាប់​ជាមួយ​ខ្សែ Lightning ទៅ USB-C ដូច​អ្វី​ដែល​ Apple មាន​ដាក់​លក់​ដូច​សព្វថ្ងៃ។
បញ្ជាក់​ថា​ បច្ចុប្បន្ន iPhone សេរ៊ី​ឆ្នាំ ២០១៧ ក៏​គាំទ្រ​នូវ​បច្ចេកវិទ្យា​សាក​ថ្ម​រហ័ស​បាន​ដូច​គ្នា ប៉ុន្តែ​ទាមទារ​ឲ្យ​អ្នក​ប្រើប្រាស់​ត្រូវ​ចំណាយ​លុយ​បន្ថែម​ប្រហែល ៧០ ដុល្លារ​ក្នុង​ការ​បង្គ្រប់​គ្រឿង​ឧបករណ៍​មួយ​ចំនួន។ បែប​នេះ​បើ​ម៉ូឌែល​ថ្មី​អាច​ផ្លាស់ប្ដូរ​ដូច​ការ​លើក​ឡើង​ពិត​មែន នោះ​ក៏​ជា​ប្រយោជន៍​មួយ​ដល់​អតិថិជន ស្រប​ពេល​ក្រុមហ៊ុន​គូ​ប្រជែង​ឯ​ទៀត រមែង​ធ្វើ​បែប​នេះ​តាំង​ពី​យូរ​ណាស់​មក​ហើយ។



ប្រភព៖ idropnews