Xiaomi វ៉ា​ដាច់ផឹង​ ទម្លាក់​ Apple ពី​តំណែង​លេខ ៤ នៅ​ចិន​បាត់​ទៅ​ហើយ​ - សមាគម វិទ្យុ​ និងទូរទស្សន៍សំលេងជនពិការភ្នែក (VOB)

Mobile Menu

Top Ads

ចន្លោះទំនេរ សម្រាប់ដាក់ពាណិជ្ជកម្ម

អត្ថបទ និងព័ត៌មានថ្មីៗ

logoblog

Xiaomi វ៉ា​ដាច់ផឹង​ ទម្លាក់​ Apple ពី​តំណែង​លេខ ៤ នៅ​ចិន​បាត់​ទៅ​ហើយ​

27/04/2018
ជើង​ខ្លាំង​អាមេរិក Apple បាន​បាត់​តំណែង​លេខ ៤ នៅ​ទីផ្សារ​ចិន​បាត់​ ក្រោយ​ស្លាកយីហោ​ក្នុង​ស្រុក Xiaomi មក​ជំនួស​តំណែង​ជា​ក្រុមហ៊ុន​ទូរសព្ទ​ធំ​បំផុត ហើយ Apple មក​ឈរ​លេខ ៥ វិញ។
Xiaomi ផ្តើម​ឡើងកូដ​​​ខ្លាំង ការ​លក់​កើន​ដល់​ទៅ ៣៧ ភាគរយ ស្មើ​នឹង ១២ លាន​គ្រឿង ស្រប​ពេល​ក្រុមហ៊ុន​ឈរ​តារាង​កំពូល Huawei រួម​បញ្ចូល​ទាំង​ស្លាកយីហោ Honor កើន​បាន ២ ភាគរយ។ បើ​សរុប​ត្រឹម​ក្រុមហ៊ុន​ចិន​ធំៗ​ទាំង ៤ មាន Huawei, Oppo, Vivo និង Xiaomi អាច​ក្តោបក្តាប់​ច្រើន​ជាង ៧៣ ភាគរយ ត្រឹម​ត្រីមាស​ទី ១ ឆ្នាំ​ដដែល​នេះ។​

របាយការណ៍​ចុង​ក្រោយ​ពី​ក្រុមហ៊ុន​វិភាគ​ឯករាជ្យ​ Canalys បាន​រក​ឃើញ​ទីផ្សារ​លក់​ស្មាតហ្វូន​ក្នុង​ប្រទេស​ចិន​នា​ត្រីមាស​ទី ១ ឆ្នាំ ២០១៨ ចាប់​មាន​ការ​ធ្លាក់​ចុះ។ ក្នុង​ចំណោម​ក្រុមហ៊ុន​កំពូល​ទាំង ១០ មាន​ដល់​ទៅ ៨ បរាជ័យ​ក្នុង​ការ​លក់ ធ្វើ​ឲ្យ​តួ​លេខ​សរុប​ធ្លាក់​ដល់​ទៅ ២១ ភាគរយ ពោល​គឺ​ប្រមាណ ៩១ លាន​គ្រឿង។​
អ្នក​វិភាគ​ឲ្យ​ក្រុមហ៊ុន Canalys លោក Hattie He លើក​ឡើង​​ថា Xiaomi ជា​ក្រុមហ៊ុន​តែ​មួយ​គត់​ក្នុង​ចំណោម​ក្រុមហ៊ុន​កំពូល​ទាំង ៥ ដែល​ផ្តោត​សំខាន់​លើ​ការ​លក់​ស្មាតហ្វូន​ធុន​តូច​តម្លៃ ១ ០០០ យន់ (ក្បែរ ១៦០ ដុល្លារ) ហើយ​មាន​ជាង ៩០ ភាគរយ លក់​ដាច់​លើ​ត្រកូល Redmi។



ប្រភព៖ CNBC