នៅលើបណ្ដាញសង្គម LinkedIn របស់អតីតនាយករងសាជីវកម្ម Samsung លោក Brandon Yoon បានបញ្ជាក់ពីការលាឈប់ពីតំណែងរបស់លោក នៅក្នុងក្រុមហ៊ុន Samsung ហើយមកចូលរួមជាមួយក្រុមហ៊ុន Apple នៅក្នុងខែនេះ។
តាមប្រវត្តិ លោក Yoon ក៏ធ្លាប់ជាបុគ្គលិករបស់ Microsoft អស់រយៈពេលជាង ១០ឆ្នាំ មុនមកកាន់តំណែងថ្មីនេះ។
Apple ទើបតែបើកហាងផ្លូវការនៅប្រទេសកូរ៉េខាងត្បូងដើមខែមករាឆ្នាំនេះ ប៉ុន្តែអាចទាក់ចិត្តបុគ្គលិកជាន់ខ្ពស់របស់ Samsung បានបាត់ទៅហើយ។ ក្រុមហ៊ុន Apple មានចំណែកទីផ្សារប្រហែល ១៧ភាគរយ ក្នុងប្រទេសកូរ៉េខាងត្បូង ធៀបទៅនឹងជើងខ្លាំងក្នុងស្រុក Samsung មានចំណែកទីផ្សារដល់ទៅ ៥០ភាគរយឯណោះ។
ខាងក្រុមហ៊ុនទាំងពីរ មិនមានខាងណាចេញមុខមកបកស្រាយរឿងនេះនៅឡើយទេ៕
ប្រភព៖ Cnet
