ពេលអ្នកចូលវេបសាយមានប្រើលេខសំងាត់ លើស្មាតហ្វូន អ្នកត្រូវការចាំលេខសំងាត់វេបសាយនីមួយៗ វាយបញ្ចូលលើអេក្រង់តូច ហើយបើលេខសំងាត់វែង មានច្រើនអក្សរទៀត កាន់តែពិបាក។
iPhone X អាចឲ្យអ្នកប្រើ Face ID ជាសោចូលប្រើវេបសាយបាន តាមរយៈមុខងារ Autofill លើ Safari។ ជារួម គឺអ្នករក្សាទុកព័ត៌មានទាំងនោះលើវេបសាយនីមួយៗ ហើយប្រើ Face ID ស្កេនមុខ ដើម្បីបំពេញឈ្មោះ និងលេខសំងាត់ ដោយស្វ័យប្រវត្តិ។
១. iCloud Keychain
ក្រោយមុខងារ Face ID ដំណើរការលើ iPhone X អ្នកត្រូវការបើកដំណើរការជម្រើស iCloud Keychain។
បើកកម្មវិធី Settings > ចុចលើឈ្មោះអ្នកលើផ្ទាំង Settings > ចុចលើ iCloud > អូសចុះក្រោមត្រង់ Keychain រួចប្រាកដថាបានបើកដំណើរការ។
២. Safari
ត្រលប់ទៅកាន់ទំព័រ Settings > ចុចលើ Safari > ចុចលើ AutoFill > ចុចប៊ូតុងក្បែរនឹង Names and Passwords ដើម្បីបើកដំណើរការ ការរក្សាទុកព័ត៌មានលេខសំងាត់។
៣. រក្សាទុកលេខសំងាត់
បើកកម្មវិធី Safari រួចបើកវេបសាយ មានការពារលេខសំងាត់ ឬផ្ទាំង Login > វាយបញ្ចូល ឈ្មោះ និង លេខសំងាត់ Sign In ចូលប្រើធម្មតា។ អ្នកនឹងឃើញសារបង្ហាញ បើអ្នកចង់រក្សាទុកលេខសំងាត់នេះក្នុង iCloud Keychain សម្រាប់ AutoFill លើគ្រប់ Device អ្នក។
បន្ទាប់មកចុច Save Password > Sign Out ពីវេបសាយ > ចុចលើ Link ដើម្បី Sign In ពេលនេះ Face ID នឹងស្កេនមុខ ហើយ Sign In ចូលវេបសាយ ដោយស្វ័យប្រវត្តិ ដោយមិនតម្រូវវាយបញ្ចូលម្ដងទៀត។
៤. បន្ថែមព័ត៌មានខ្លួនឯង
ចុះបើវេបសាយខ្លះ មិនសួរអ្នកឲ្យរក្សាទុកលេខសំងាត់ ទៅកាន់ iCloud Keychain។ អ្នកអាចបន្ថែមព័ត៌មានលេខសំងាត់ ទៅកាន់វេបសាយណាមួយបានខ្លួនឯង។ លើផ្ទាំងកម្មវិធី Settings > Accounts & Passwords > App & Website Passwords។ Face ID នឹងស្កេនមុខអ្នក ផ្ដល់សិទ្ធចូលប្រើបញ្ជីមានវេបសាយការពារលេខសំងាត់ទាំងនោះ។
៥. ការបន្ថែមលេខសំងាត់
ចុចលើ Link ដើម្បីទៅកាន់ផ្ទាំង Add Password > វាយបញ្ចូល URL ទំព័រក្នុងប្រអប់ Website > វាយបញ្ចូលឈ្មោះ និងលេខសំងាត់ ត្រង់ប្រអប់បន្ទាប់ > ចុចប៊ូតុង Done។
បើកកម្មវិធី Safari រួចចូលវេបសាយអ្នកបានបញ្ចូលក្នុងបញ្ជី នោះ Face ID នឹង Sign In អ្នកចូលដោយស្វ័យប្រវត្តិ។
៦. ផ្លាស់ប្ដូរលេខសំងាត់
ចុះបើព័ត៌មានលេខសំងាត់ អ្នកបានផ្លាស់ប្ដូរសម្រាប់វេបសាយណាមួយ ដែលបានរក្សាទុកវិញ។ អ្នកមានជម្រើសមួយចំនួន។
ត្រលប់ទៅកាន់ផ្ទាំងកម្មវិធី Settings > Accounts & Passwords > App & Website Passwords > ចុចលើវេបសាយណាមួយ > ចុច Edit > បញ្ចូលឈ្មោះ និងលេខសំងាត់ថ្មី > ចុច Done។
៧. ប្រើ Face ID
ឬ អ្នកចូលវេបសាយនោះលើ Safari > អនុញ្ញាតឲ្យ Face ID ស្កេនមុខ ដើម្បីបញ្ចូលព័ត៌មានលេខសំងាត់អ្នក > លុបចោលព័ត៌មានចាស់ > វាយបញ្ចូលព័ត៌មានថ្មី > ចុចលើ Sign In លើវេបសាយនោះ > អ្នកនឹងឃើញសារសួរ បើអ្នកចង់កែប្រែលេខសំងាត់ > ចុច Update Password។
៨. លុបលេខសំងាត់ចាស់ចោល
អ្នកអាចលុបចោលព័ត៌មានលេខសំងាត់ ពីវេបសាយលែងប្រើ។
អ្នកត្រលប់ទៅកាន់ផ្ទាំងកម្មវិធី Settings > Accounts & Passwords > App & Website Passwords > ចុចលើ Edit > ជ្រើសរើសវេបសាយ អ្នកចង់លុប > ចុចលើ Delete > អ្នកនឹងឃើញសារបញ្ជាក់ > ចុច Delete៕
VIDEO
ប្រភព៖
pcmag ប្រែសម្រួល៖ ឡៃហ៊ាង
