ខេត្តត្បូងឃ្មុំ ៖ តាមទំនាមទំលាបរបស់ប្រជាពល នៅស្រុកមេមុត នាដើមខែមីនា ជារៀងរាល់ឆ្នាំ តែងតែប្រារព្ធពិធីប្រពៃណីទំនៀមទំលាប់ពីបុរាណគឺចាប់ត្រីនៅចំណុច ត្រពាំងក្រម ស្ថិតនៅភូមិសាទុំ ឃុំជាំក្រវៀន ស្រុកមេមត់ ខេត្តត្បូងឃ្មុំ។
ពិធីប្រពៃណីមួយនេះ មានប្រជាពលរដ្ឋមកពីភូមិ ឃុំ ស្រុកនានាប្រមាណជិត ២ម៉ឺននាក់ ធ្វើដំណើរតាមរទេះសេះ រទេះគោ កង់ ម៉ូតូ ឡាន ប្រើប្រាស់ឧបករណ៍នេសាទបែបបុរាណនាំគ្នាំចាប់ត្រីក្នុងបឹងរួមតែម្តង។
សម្រាបលឧប្បករណ៍រួមមាន៖ អង្រុត ឈ្នាង ឆ្នុក ត្រក ក្អុះ ដែលបានប្រព្រឹត្តធ្វើឡើងរយ:ពេល៣ថ្ងៃ ចាប់ពីថ្ងៃទី០១ដល់ទី០៣ ខែមីនា ឆ្នាំ២០១៨នេះ។ ពិធីប្រពៃណីនធរមានទាំងចាស់ទាំងក្មេងញញឹមញញែមសប្បាយរីករាយជួបជុំគ្នាទាំងជិតទាំងឆ្ងាយចំងាយនាំគ្នាហ៊ោកញ្ជៀវពេលមានអ្នកចាន់បានត្រីធំម្ដងៗ។ ពេលចាប់បានប្រជាពលរដ្ឋនាំគ្នាចំអិនហូបអាហារសាមគ្គីរួមគ្នា។
លោក អួច យឿង មេឃុំជាំក្រវៀន បានឲ្យដឹងថា ពិធីចាប់ត្រីនេះគឺយើងបានរៀបចំជារៀងរាល់ឆ្នាំ ដើម្បីកំសាន្ដ និងសាមគ្គីគ្នាស្គាល់គ្នាយោគយល់គ្នាសំរាប់បឹងធំនេះគឺមិនឲ្យអ្នកណាប៉ះពាល់ដាច់ខាតទុកសំរាប់តែពិធីចាប់ត្រី១ឆ្នាំម្ដងតែប៉ុណ្ណោះអ្នកណាក៏ចាប់បានដែរតែដាច់ខាត ត្រូវប្រើឧបករណ៍បុរាណ។