រូបតំណាង
ខាងក្រោមនេះជារឿងល្អ១០យ៉ាងដែលអ្នកអាចទទួលបានពីការគេងថ្ងៃដ៏ត្រឹមត្រូវ ជារៀងរាល់ថ្ងៃ៖១. អារម្មណ៍រីករាយ
អ្នកវិទ្យាសាស្ត្របានណែនាំថា មនុស្សដែលគេងថ្ងៃបាន៣០នាទីឬតិចជាងនេះ នឹងទទួលបានអារម្មណ៍ល្អ ស្រស់ថ្លាពេញមួយរសៀល ជាងមនុស្សដែលគេងលើសនេះ ឬមិនបានគេងសោះ។
២. យកឈ្នះភាពងងុយគេងពេលរសៀល
ជាទូទៅមនុស្សគ្រប់គ្នាតែងងងុយគេងនៅម៉ោងប្រហែល៣រសៀល។ ដូច្នេះការគេងថ្ងៃជួយឲ្យអ្នកគេចផុតពីបញ្ហានេះបានល្អជាងការញ៉ាំកាហ្វេទៅទៀត។
៣. មិនសូវបង្កើតកំហុស
ការគេងថ្ងៃជួយឲ្យការធ្វើការរបស់អ្នករឹតតែប្រសើរ បន្ថយកំហុសឆ្គង ព្រមទាំងបញ្ចៀសបានគ្រោះថ្នាក់ចៃដន្យផ្សេងៗបានទៀតផង។
៤. ជួយបង្កើនការចងចាំ
អ្នកស្រាវជ្រាវនៅសកលវិទ្យាល័យSaarlandប្រទេសអាល្លឺម៉ង់ រកឃើញថា សិស្សដែលគេងថ្ងៃពី៤៥ទៅ៦០នាទីអាចបង្កើនការចងចាំបានរហូតដល់ទៅ៥០០ភាគរយឯណោះ។
៥. បង្កើនសមត្ថភាពច្នៃប្រឌិត
នៅពេលអ្នកគេង ខួរក្បាលខាងស្ដាំដែលជាប្រភពនៃគំនិតច្នៃប្រឌិតធ្វើដំណើរការបានយ៉ាងល្អ ដែលជួយបង្កើនសមត្ថភាពរបស់អ្នកឲ្យកាន់តែប្រសើរឡើង។
៦. ជួយដល់បេះដូង
មនុស្សដែលគេង៣០នាទីឬច្រើនជាងនេះ ហើយយ៉ាងហោចណាស់៣ដងក្នុងមួយសប្ដាហ៍គ្មានហានិភ័យនៃការស្លាប់ដោយជំងឺបេះដូងដល់ទៅ៣៧ភាគរយឯណោះ។
៧. មិនសូវហេវ
ពេលអ្នកគេងថ្ងៃ អ្នកមិនសូវមានអារម្មណ៍ហេវហត់ អស់កម្លាំង ឬឃ្លានញឹកញាប់ឡើយ។ ដូច្នេះអ្នកប្រាកដជាចៀសផុតពីការធាត់លើសគីឡូបានជាមិនខាន។
៨. គ្រប់គ្រងខ្លួនឯងបានល្អ
ដូចនឹងពេលអ្នកឃ្លានខ្លាំងដែរ ពេលអ្នកគេងមិនឆ្អែត អ្នកក្លាយជាមនុស្សរញ៉ាំរញ៉ូវ ឆាប់ខឹងច្រឡោត រករឿងឈ្លោះដោយសាររឿងតិចតួច។ ដូច្នេះអាការៈនេះនឹងមិនកើតឡើងទេ ពេលអ្នកគេងបានគ្រប់គ្រាន់។
៩. បន្ថយហានិភ័យនៃគ្រោះថ្នាក់ផ្សេងៗ
ការងងុយគេងធ្វើឲ្យអ្នកបាត់បង់ការផ្ចង់ស្មារតី ដែលអាចបង្កគ្រោះថ្នាក់ផ្សេងៗពេលអ្នកកំពុងធ្វើដំណើរ ឬប្រកបការងារ។ ដូច្នេះត្រឹមតែគេង៣០នាទី អ្នកអាចប្រមូលអារម្មណ៍ឲ្យមូលវិញបានយ៉ាងល្អ។
១០. សមត្ថភាពក្នុងការវិនិច្ឆ័យរឹតតែប្រសើរឡើង
ការគេងថ្ងៃពី៣០ទៅ៦០នាទី ក៏ជួយដល់សមត្ថភាពក្នុងការសម្រេចចិត្ត ឬវិនិច្ឆ័យលើកិច្ចការផ្សេងៗផងដែរ។ ការវិភាគរកហេតុផលរបស់អ្នករឹតតែពូកែ នៅពេលអ្នកមានអារម្មណ៍ស្វាងពីភាពងងុយគេង ៕
ប្រភព៖ powerofpositivity ប្រែសម្រួល៖ ឡៃហ៊ាង