ក្រុមម្ចាស់ផ្ទះបឹងកេត បានបរាជ័យម្ដងទៀតហើយ នៅថ្ងៃនេះ ក្នុងការប្រកួតជាមួយភ្ញៀវ Shan United ជាមួយលទ្ធផល ១ ទល់ ២ ដែលជាការប្រកួតវគ្គសន្សំពិន្ទុពូល F ពានរង្វាន់ AFC Cup 2018 នៅពហុកីឡដ្ឋានជាតិ។
ក្រុមបឹងកេត
សម្រាប់វគ្គទី១ ម្ចាស់ផ្ទះបានធ្វើឲ្យអ្នកគាំទ្រហ៊ោកញ្ជ្រៀវ ក្រោយកីឡាករ Maicon ស៊ុតនាំមុខភ្ញៀវមុននៅនាទីទី ២៨។ ប៉ុន្តែនៅនាទិទី ៤១ កីឡាករ កូកូឈិ ស៊ុតតាមស្មើ ១ ទល់ ១ វិញ អោយក្រុមភ្ញៀវ។ ចូលមកដល់វគ្គទី២ ការប្រកួតកាន់តែតានតឹង ដោយមានឱកាសវាយបករៀងខ្លួន ប៉ុន្តែទីបំផុតរកបានគ្រាប់បន្ថែមដោយកីឡាករ Chisuba ស៊ុតចូលនាទី ៥៥។ លទ្ធផលនេះ បានបន្តរហូតដល់ចប់ការប្រកួត។ ដូច្នេះលទ្ធផលផ្លូវការគឺ បឹងកេត ១ Shan United ២។
នេះជាការប្រកួតលើកទី២ បន្ទាប់ពីប្រកួតលើកទី១ ក្រុមខ្លាំងកម្ពុជាបានចាញ់ក្រុមខ្លាំងរបស់ហ្វីលីពីន Ceres Negros ដោយលទ្ធផលរហូតដល់ ៩-០ ឯណោះ៕