ថ្វាយព្រះរាជដំណើរព្រះមហាក្សត្រខ្មែរ និងសម្តេចម៉ែនៅឯអាកាសយានដ្ឋាន រួមមានសម្តេចវិបុលសេនាភក្តី សាយ ឈុំ ប្រធានព្រឹទ្ធសភា សម្តេចពញាចក្រី ហេង សំរិន ប្រធានរដ្ឋសភា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។ ក៏មានការយាង និងអញ្ជើញពីព្រះរាជវង្សានុវង្ស មន្ត្រីជាន់ខ្ពស់នៃរាជរដ្ឋាភិបាលកម្ពុជា ព្រមទាំងឯកអគ្គរដ្ឋទូត និងមន្ត្រីស្ថានទូតចិនប្រចាំនៅកម្ពុជាផងដែរ។
យោងតាមព្រះរាជសាររបស់អង្គព្រះមហាក្សត្រ បានគូសបញ្ជាក់ថា អំឡុងអវត្តមានរបស់ព្រះអង្គ សម្តេច សាយ ឈុំ នឹងទទួលជួយព្រះអង្គក្នុងឋានៈជាប្រមុខរដ្ឋស្តីទី។
ក្នុងព្រះរាជសារមិនបានបញ្ជាក់ថា ព្រះអង្គ និងសម្តេចម៉ែ នឹងយាងត្រឡប់មកព្រះបរមរាជវាំងចតុមុខមង្គលនាពេលណានោះទេ។ សូមបញ្ជាក់ថា ជារៀងរាល់ឆ្នាំព្រះមហាក្សត្រខ្មែរ និងសម្តេចម៉ែ តែងយាងទៅប្រទេសចិនមួយដង ឬពីរដង ដើម្បីពិនិត្យព្រះរាជសុខភាព។
ព្រះរាជដំណើររបស់ព្រះមហាក្សត្រខ្មែរ និងសម្តេចម៉ែ នៅលើទឹកដីចិន ដែលជាមិត្តដ៏ស្និទ្ធស្នាលរបស់កម្ពុជានោះ ព្រះអង្គទាំងទ្វេតែងទទួលបានការទទួល និងគារវកិច្ចយ៉ាងខ្ពង់ខ្ពស់បំផុតពីប្រធានាធិបតីចិន និងថ្នាក់ដឹកនាំជាន់ខ្ពស់របស់ចិនមួយចំនួនទៀត៕
ប្រភព៖ Samdach Hun Sen