Facebook Messenger បន្ថែម​ភាព​ផ្អែមល្ហែម​គូស្នេហ៍ ថ្ងៃ​សេចក្តី​ស្រឡាញ់

នៅ​ថ្ងៃ​ទី ១៤ ខែ​កុម្ភៈ​ Facebook Messenger បង្ហាញ​ Effects ពិសេសៗលើ​ផ្ទាំង​ជជែក​​កម្សាន្ត​ ជូន​ដល់​គូ​សង្សារ​បង្កើន​ចំណង​មិត្តភាព​។

មុខងារ​ថ្មី​នេះ​នឹង​ដំណើរការ សម្រាប់​អ្នក​ដែល​កែប្រែទិន្នន័យ​ចំណង​មិត្តភាព (Relationship status) នៅ​ថ្ងៃ​ពិសេស​នេះ​ និង​ថ្ងៃ​បន្ទាប់​។ ប្រភេទ Relationship ដែល​អាច​ប្រើ​បាន​រួមមាន In a Relationship, Engaged, In a Civil Union, Married, In a Domestic Partnership និង In an Open Relationship ។

ពេល​អ្នក​ផ្លាស់ប្ដូរ​ទិន្នន័យ​ក្នុង Profile អ្នក​នឹង​ទទួល​បាន Notification ក្នុង​កម្មវិធី Messenger។ ក្នុង​ផ្ទាំង​សារ នឹង​មាន Effect រូប​បេះដូង លើ​អេក្រង់​ពេល​អ្នក​បើក​សារ​ជជែក​កម្សាន្ត​។

មុខងារ​ដទៃ​ទៀត​រួមមាន Filters និង Effects ជាច្រើន​ក្នុង​កាមេរ៉ា Messenger។ អ្នក​មាន​ជម្រើស Filter រូប​បេះដូង​លើ​ភ្នែក ដែល​មាន​ចលនា​។ Filters ទាំងនេះ​ក៏​អាច​ប្រើ​លើ​ការ​ជជែក​កម្សាន្ត​ជា​វីដេអូ​លើ​កម្មវិធី Messenger ផង​ដែរ​៕

ប្រភព៖ DigitalTrends ប្រែ​សម្រួល៖ ឡៃហ៊ាង