១.បុរសគិតអំពីការរួមភេទរៀងរាល់ ៧ វិនាទីម្ដង?
ប្រសិនបើបុរសគិតអំពីការរួមភេទរៀងរាល់ ៧ វិនាទី នោះមានន័យថាប្រហែល ៨ ០០០ ដងក្នុង មួយថ្ងៃ។ តែបើយោងតាមវិទ្យាស្ថាន Kinsey បានឲ្យដឹងថាបុរស ៥៣ % បាននិយាយថាពួកគេគិតអំពីការរួមភេទច្រើនដងក្នុងមួយថ្ងៃ ហើយ ៤៣ ភាគរយបាននិយាយថាវាមានពីរបីដងប៉ុណ្ណោះក្នុងមួយសប្ដាហ៍។
រូបតំណាង
២.យកគំរូតាមខ្នាតស្បែកជើង?ការស្រាវជ្រាវបានបង្ហាញថា ទំនាក់ទំនងរវាងទំហំលិង្គ និងទំហំស្បែកជើងបុរសវាមិនមានអ្វីពាក់ព័ន្ធគ្នាឡើយ។
៣.បុរសមានអារម្មណ៍លើនារីផ្សេងគ្នា?
យោងតាមការស្រាវជ្រាវបានឲ្យដឹងថា ៨០% នៃស្ត្រីមានចេតនាផ្លូវភេទអំពីមនុស្សដែលមិនមែនជាដៃគូរបស់ពួកគេ ធៀបទៅនឹងបុរសមាន ៩៨%។
៤.ស្ត្រីមិនសូវចាប់អារម្មណ៍ចំពោះការរួមភេទ?
ទោះបីជាស្ត្រីមានការគិតអំពីការរួមភេទតិចជាងបុរសក៏ដោយ (ការស្រាវជ្រាវរបស់ Kinsey ខាងលើបានរកឃើញថា ១៩% នៃស្ត្រីគិតអំពីការរួមភេទច្រើនដងក្នុងមួយថ្ងៃ ហើយ ៦៣% គិតអំពីវាច្រើនដងក្នុងមួយសប្ដាហ៍) នោះមិនមានន័យថា ស្ត្រីចង់រួមភេទតិចជាងមុនទេ។ យោងទៅតាមការស្ទង់មតិមួយទៀតបានបញ្ជាក់ថា ប្រហែល ៥៣% នៃស្ត្រីមិនបានរួមភេទច្រើនដូចដែលពួកគេចង់បាននោះទេ។
៥.ការញ៉ាំអយស្ទ័រនឹងធ្វើឲ្យអ្នកមានអារម្មណ៍?
តើអ្នកដឹងទេថាអារម្មណ៍សិចកើតមានឡើងក្រោយទទួលថាមពល Aphrodisiac នៃអាហារ? អយស្ទ័រត្រូវបានបង្កើតឡើងដោយធាតុ (ទឹក ប្រូតេអ៊ីន កាបូអ៊ីដ្រាត ជាតិខ្លាញ់ជាដើម) ដែលមិនមានឥទ្ធិពលជំរុញដល់ការរួមភេទ។
៦.ស្រោមអនាម័យពីរជាន់ផ្ដល់ការការពារកាន់តែប្រសើរ?
នៅប្រទេសខ្លះវាជាទម្លាប់ធម្មតា ដែលប្រើស្រោមអនាម័យ ២ ជាន់ ដើម្បីជៀសវាងជំងឺកាមរោគក៏ដូចជាការមានផ្ទៃពោះដែលមិនចង់បាន។ អាជ្ញាធរសុខាភិបាលភាគច្រើនមិនយល់ស្របនឹងរឿងនេះទេ តែវាបង្កើនហានិភ័យដោយសារការពាក់ស្រោមអនាម័យពីរជាន់នេះទៅវិញ ព្រោះវាកកិតខ្លាំង។
រូបតំណាង
៧.ស្ត្រីមិនបញ្ចេញទឹកកាម?អ្នកវិទ្យាសាស្ត្របានពន្យល់ថាការប្រមូលផ្ដុំសារធាតុរាវៗនៅពេលរួមភេទ ឬក្រោយពេលនោះ បញ្ជាក់ថាវាមិនមែនជាទឹកនោម ទោះបីជាពួកគេមិនអាចកំណត់សមាសធាតុរបស់វាពិតក៏ដោយ៕
ប្រភព៖ Shape ប្រែសម្រួល៖ ឡៃហ៊ាង