រូបតំណាង
តាមប្រភពព័ត៌មានបានឲ្យដឹងថា បុគ្គលិកហាត់ការម្នាក់បានលួចកូដ ចែកចាយទៅកាន់មិត្តភក្ដិពួកគេ ដែលកំពុងអភិវឌ្ឍន៍លើ Tool សម្រាប់ Jailbreak ព្រោះ Apple បានប្រើកូដអាថ៌កំបាំង បិទមិនឲ្យអ្នកទាំងនោះបង្កើត Tool សម្រាប់ Jailbreak បានទើបបានជាបុគ្គលិកម្នាក់នេះធ្វើបែបនេះ។អតីតអ្នកហាត់ការម្នាក់នោះមិនបានគិតថា ជារឿងធំដល់ថ្នាក់នេះទេ គិតថាជារឿងតូចតាច ព្រោះគេគ្រាន់ចង់ជួយមិត្តភក្តិរបស់គេប៉ុណ្ណោះ ប៉ុន្តែមិនដូចការរំពឹងទុក ព្រោះពេលនេះកូដបានបែកធ្លាយជាសាធារណៈ។
យ៉ាងណាក្ដី Source Code ដែលបែកធ្លាយម្សិលមិញនោះ ប្រហែលជា Source Code តាំងពីជំនាន់ iOS 9 ហេតុនេះផលប៉ះពាល់នៃការលេចធ្លាយនេះអាចមិនមានច្រើននោះទេ។
Apple ក៏បាននិយាយដែរថាការលេចធ្លាយនេះមិនប៉ះពាល់ដល់ប្រព័ន្ធសុវត្ថិភាព iPhone ឡើយ។ ប៉ុន្តែ Apple នៅតែណែនាំឲ្យអ្នកប្រើប្រាស់អាប់ដេតប្រព័ន្ធប្រតិបត្តិការទៅកាន់ជំនាន់ចុងក្រោយ ដើម្បីប្រាកដថានឹងមិនរងគ្រោះពីការវាយប្រហារណាមួយ៕
ប្រភព៖ The Verge ប្រែសម្រួល៖ ឡៃហ៊ាង