ប្រភពអោយដឹងថា កាលពីថ្ងៃទី០៨ ខែកុម្ភះឆ្នាំ២០១៨ វេលាម៉ោង០៩និង៤០នាទី កម្លាំងប៉ុស្ដិ៍នគរបាលរដ្ឋបាលដង្កោសហការជាមួយកម្លាំងសមត្ថកិច្ចនគរបាលខណ្ឌដង្កោ ដឹកនាំដោយលោកវរសេនីយ៏ឯក ជឹម ស៊ីថា អធិការនគរបាលខណ្ឌដង្កោ,លោកវរសេនីយ៏ទោសូរ វិសាល អធិការរងនគរបាលខណ្ឌដង្កោ,លោកអនុសេនីឯក តុន តូនី នាយប៉ុស្ដិ៏នគរបាលរដ្ឋបាលដង្កោ បានចុះបង្ក្រាបករណីជួញដូរ ដោយខុសច្បាប់នូវសារធាតុញៀន ត្រង់ចំណុច ផ្លូវបេតុង ស្ថិតនៅភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ធ្វើការឃាត់ខ្លួនជនសង្ស័យចំនួន០២នាក់ទី០១ឈ្មោះ នុត លីណា ភេទប្រុស អាយុ៣១ឆ្នាំ, ទី០២ឈ្មោះ ញឹម ប៊ុនឆៃ ភេទប្រុសអាយុ២៨ឆ្នាំ ហើយសមត្ថកិច្ចយើងឆែកឆេរកឃើញក្រាមពណ៌សថ្លាចំនួន០៥ កញ្ចប់ថង់ធំដែលជនសង្ស័យឈ្មោះញឹម ប៊ុនឆៃ បានលាក់ទុកនៅក្នុងកែបម៉ូតូហើយសមត្ថកិច្ចយើងឃាត់ខ្លួនជនសង្ស័យទាំង០២នាក់ខាងលើរួមនិងវត្ថុតាង យកមកធ្វើការសាកសួរនៅប៉ុស្តិ៍នគរបាលរដ្ឋបាលដង្កោ តាមនីតិវិធីច្បាប់។
