គ្រាប់ធញ្ញជាតិមិនត្រឹមតែឆ្ងាញ់គួរឱ្យចង់ញ៉ាំមួយមុខនោះទេ វាថែមទាំងល្អសម្រាប់បេះដូងថែមទៀតផង។ មិនត្រឹមតែប៉ុណ្ណោះ វាមានកាឡូរីខ្ពស់ទៅតាមប្រភេទរបស់វា ឧទាហរណ៍គ្រាប់ស្វាយចន្ទីមានរហូតដល់ទៅ១៦៥ កាឡូរីអាចជួយឱ្យអ្នកឡើងទម្ងន់បានយ៉ាងមានប្រសិទ្ធភាព។
អ្នកប្រហែលជាមិនដឹងទេថា ត្រីសាម៉ុនគឺជាប្រភេទអាហារសុខភាពដ៏ល្អសម្រាប់សរីរាង្គកាយមនុស្ស។ ការបរិភោគសាច់ត្រីប្រភេទនេះត្រឹម ៨៥ ក្រាម អាចផ្ទុកកាឡូរីដល់ទៅ ១៥២ កាឡូរីដែលជួយឱ្យរាងកាយអ្នកអាចឡើងគីឡូបានឆាប់។ ត្រីសាលម៉ុនមានផ្ទុកអូមេហ្កា៣ដែលជាសារធាតុមានប្រយោជន៍ច្រើនដែលរាងកាយត្រូវការ។
អ្នកដឹងហើយថាការញ៉ាំសាច់ដែលមានជាប់ខ្លាញ់អាចមានផលល្អក្នុងការជំនួយឱ្យឡើងទម្ងន់ តែអ្នកប្រហែលជាមិននឹកស្មានដល់ទេថា ការញ៉ាំសាច់គោសម្រាប់អាហារពេលព្រឹកចំនួនបីចំណិតអាចឱ្យរាងកាយទទួលបានដល់ទៅ១៥៣កាឡូរីឯណោះ។
សណ្តែកបាយដែលបានកិននឹងឆ្លងកាត់ការចំអិនហើយ មិនត្រឹមតែមានរសជាតិឆ្ងាញ់មួយមុខនោះទេ តែវាក៏អាចឱ្យអ្នកទទួលបានការឡូរីយ៉ាងច្រើន ដោយត្រឹមមួយកែវនៃទឹកសណ្តែកដែលមានចំណុះ២៥៦ ក្រាម អាចផ្ទុក៣៧៦ ការឡូរី។
ដើម្បីទទួលបានប្រសិទ្ធភាពខ្ពស់ បរិភោគឱ្យបានជាប្រចាំ ដើម្បីទទួលបានការឡើងទម្ងន់ជាទីគាប់ចិត្ត និងសុខភាពល្អ៕
ប្រភព៖ Allwomenstalk ប្រែសម្រួល៖ ឡៃហ៊ាង
