ក្រោយការឃាត់ខ្លួនសមត្ថកិច្ចបានរឹបអូសវត្ថុតាងមានរថយន្ត១គ្រឿង ម៉ាកTOYOTA pruisពណ៌ក្រហម បិទស្កុតពណ៌ស ពាក់ផ្លាកលេខភ្នំពេញ ២AS១១៦៣ និងប្រាក់ដុល្លារក្លែងក្លាយចំនួន២៧០០ដុល្លារ ប្រាក់ដុល្លារពិតចំនួន២៩ដុល្លារអាមេរិក ប្រាក់រៀលចំនួន១០២.៨០០រៀល ស្រាបៀរABCចំនួន៣កេស ប្រេងសាំងចំនួន១ប៊ីដុងចំណុះ៣០លីត្រ អាគុយម៉ាកROCKeTចំនួន២គ្រឿង ទូរស័ព្ទដៃចំនួន១គ្រឿងម៉ាក LGពណ៌ស ។
១-ឈ្មោះ ផាវ សារិទ្ធ ភេទប្រុស អាយុ៦១ឆ្នាំ ទីលំនៅភូមិតាក្តុល សង្កាត់តាក្តុល ក្រុងតាខ្មៅ ខេត្តកណ្តាល មុខរបរប្តូរប្រាក់ ។
២-ឈ្មោះ លឹម លីម ភេទប្រុស អាយុ៥២ឆ្នាំ ទីលំនៅភូមិក្រពេីហា សង្កាត់ព្រែកឫស្សី ក្រុងតាខ្មៅ មុខរបរលក់ដូរ ។
៣-ឈ្មោះ ម៉ន អៀង ភេទប្រុស អាយុ២៨ឆ្នាំ មានទីលំនៅភូមិព្រែកឫស្សី សង្កាត់ព្រែកឫស្សី ក្រុងតាខ្មៅ មុខរបរលក់ដូរ ។
នៅចំពោះមុខសមត្ថកិច្ចជនល្មេីសបានសារភាពថា ខ្លួនពិតជាបានយកប្រាក់ដុល្លារក្លែងក្លាយទៅទិញទំនិញរបស់ជនរងគ្រោះពិតប្រាកដមែន ហើយកាលពីថ្ងៃទី១៩ មករា ឆ្នាំដដែលក៏ធ្លាប់ បានយកប្រាក់ដុល្លារក្លែងក្លាយចំនួន១០០ដុល្លារទៅដូរយកប្រាក់រៀលនៅចំណុចស្តុបស្ពានព្រែកហូម្តងរួចមកហេីយដែរ ។ ទាក់ទិនប្រាក់ដុល្លារក្លែងក្លាយទាំងនោះត្រូវបានជនល្មើសប្រាប់ថាខ្លួនបានមកពីឈ្មោះ ហួត ហួរ ភេទប្រុស អាយុ៥២ឆ្នាំ ទីលំនៅសង្កាត់ព្រែកលៀបខណ្ឌជ្រោយចង្វា រាជធានីភ្នំពេញគឺបានពីការលក់ដីហ៊ុនគ្នា ។
ជនសង្ស័យ ត្រូវបាននគរបាលកសាងសំណុំរឿងដើម្បីបញ្ជូនចាត់ការតាមច្បាប់ សមត្ថកិច្ចមិនបានបញ្ជាក់លម្អិតពីការចាត់វិធានការបែបណាចំពោះជនចែកចាយដុល្លារក្លែងក្លាយនេះទេ ។
ជារឿយៗអ្នកលក់ដូរនៅតាមដងផ្លូវច្រើនតែរងគ្រោះដោយការទទួលយកដុល្លារក្លែងក្លាយព្រោះស្មានថាជាដុល្លារពិត។ មន្ត្រីប៉ូលិសនិយាយថា ពិតជាគ្រោះថ្នាក់ណាស់ ប្រសិនបើគេយកដុល្លារក្លែងក្លាយធ្វើចរាចរណ៍នៅតំបន់ជនបទ ។
