សេចក្ដីប្រកាសនោះក៏បញ្ជាក់ដែរថា គិតត្រឹមពេលបច្ចុប្បន្នក្នុងប្រទេសកម្ពុជា មិនទាន់មានក្រុមហ៊ុនណាមួយទទួលអាជ្ញាប័ណ្ណបោះផ្សាយ និងជួញដូររូបិយប័ណ្ណឌីជីថល (Cryptocurrency Trading) នៅឡើយទេ។
ដោយឡែកសេចក្ដីប្រកាសរបស់គណៈកម្មការមូលបត្រកម្ពុជា បង្ហាញយ៉ាងច្បាស់ថាស្ថាប័ននេះទើបបានចុះអនុស្សរណៈនៃការយោគយល់ស្ដីពីកិច្ចសហប្រតិបត្តិការលើហ្វីនថិច ជាមួយក្រុមហ៊ុនជំនាញមួយដើម្បីសិក្សាឲ្យច្បាស់ពីជំនួយជួញដូររូបិយប័ណ្ណឌីជីថល មុនឈានដល់ការបង្កើតបទប្បញ្ញត្តិក្នុងការគ្រប់គ្រងដែលផ្ដល់សុវត្ថិភាព តម្លាភាព និងសណ្ដាប់ធ្នាប់ ដើម្បីជាប្រយោជន៍ និងទំនុកចិត្តដល់មហាជនដែលចង់ប្រឡូកក្នុងការជួយដូររូបិយប័ណ្ណប្រភេទនេះ៕
ប្រភព៖ secc.gov.kh ប្រែសម្រួល៖ ឡៃហ៊ាង
