នៅព្រឹកនេះ ក្លឹបបាល់ទាត់សូលទីឡូអង្គរ បានចុះកិច្ចសន្យានាំយកកីឡាករ ឡុង ភារ៉ាត់ របស់ក្លឹបវេស្ទើន ជាផ្លូវការហើយ ក្រោយពីខ្សែប្រយុទ្ធរូបនេះធ្វើតេស្ដសមត្ថភាពកន្លងមក។
ភារ៉ាត់ជាកីឡាករវ័យក្មេងម្នាក់ ហើយក៏ជាអតីតខ្សែប្រយុទ្ធក្នុងក្រុមជម្រើសជាតិក្រោមអាយុ១៩ឆ្នាំម្នាក់ផងដែរ។ ការចាប់ផ្ដើមលេងបាល់ដំបូងរបស់គេ គឺនៅជាមួយក្លឹបភ្នំពេញក្រោន មុនពេលផ្លាស់ទៅលេងឱ្យក្លឹបវេស្ទើន។ គោលបំណងធំរបស់កីឡាករកើតនៅឆ្នាំ១៩៩៨រូបនេះ គឺចង់ពង្រឹងសមត្ថភាពនិងចាប់ឱកាសទៅលេងនៅក្រៅប្រទេស៕