ត្រឡប់ក្រោយ ខ្វះការប្រុងប្រយ័ត្នត្រូវបានបុរសម្នាក់ជិះម៉ូតូមួយគ្រឿងទៀត មកពីក្រោយចាប់ហ្វ្រាំងមិនទាន់ជ្រុលទៅបុកពេញទំហឹង ហេតុការណ៍កើតឡើងកាលពីវេលាម៉ោង៨និង៣០នាទីយប់ថ្ងៃទី១៤ ខែធ្នូ ឆ្នាំ២០១៧ ត្រង់ចំណុចខាងជើងផ្សារសំណង់១២ ប្រមាណ១០០ម៉ែត្រ តាមបណ្តោយផ្លូវ២៦៥ ស្ថិតក្នុងសង្កាត់ទឹកល្អក់៣ ខណ្ឌទួលគោក ។
ព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ នារីវយ័ក្មេងម្នាក់ជិះម៉ូតូមួយគ្រឿង ពណ៌ស គ្មានស្លាកលេខ ធ្វើដំណើរតាមផ្លូវ២៦៥ ពីត្បូងទៅជើង ។ លុះមកដល់ចំណុចកើតហេតុខាងលើបានបត់ឆ្វេងត្រឡប់ក្រោយដោយខ្វះការប្រុងប្រយ័ត្ន ខណៈពេលនោះស្រាប់តែមានម៉ូតូមួយគ្រឿង ស៊េរី០៩ ពណ៌ខ្មៅ ស្លាកលេខកំពង់ចាម ១C-២១៦៨ បើកបរដោយបុរសម្នាក់មកពីក្រោយ ហើយចាប់ហ្វ្រាំងមិនទាន់ក៏ជ្រុលទៅបុកម៉ូតូខាងលើ ចំពាក់កណ្តាលពេញទំហឹងបណ្តាលម៉ូតូនារីរងការខូចខាតបន្តិច រីឯអ្នកបើករងរបួសធ្ងន់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះ ចំណែកម៉ូតូឌ្រីមរងរបួសការខូចខាត។
ក្រោយកើតហេតុសមត្ថកិច្ចមូលដ្ឋាន និងជំនាញបានចុះមកដល់បានឲ្យកន្លែងកើតហេតុ និងបានធ្វើការវាស់វែងយកម៉ូតូទាំងពីរទៅរក្សាទុកនៅអធិការដ្ឋាននគរបាលខណ្ឌទួលគោក ដើម្បីរង់ចាំធ្វើការដោះស្រាយគ្នាពេលក្រោយ ។