សមត្ថកិច្ចនគរបាលមូលដ្ឋានបានឲ្យដឹងថា ជនរងគ្រោះឈ្មោះ ភី រ៉ាត់ អាយុ៤៩ឆ្នាំ មានប្រពន្ធឈ្មោះ សំណាង មានកូន៤នាក់ក្នុងបន្ទុក មានមុខរបរធ្វើស្រែ រស់នៅក្នុងភូមិទឹកល្អក់ ឃុំក្រាំងលាវ ស្រុករលាប្អៀរ ។
ប្រភពដដែលបានស្រង់សម្ដីរបស់ស្ត្រីជាប្រពន្ធជនរងគ្រោះបានឲ្យដឹងថា ប្តីរបស់គាត់បានចេញពីផ្ទះទៅឆ្លុះត្រី កាលពីយប់ថ្ងៃទី១២ ខែធ្នូ ឆ្នាំ២០១៧ ហើយបានបាត់ខ្លួនពេញមួយយប់មិនឃើញត្រលប់មកផ្ទះវិញ លុះព្រឹកឡើងបងប្អូន និងរូបគាត់បានផ្អើរនាំគ្នាចេញដើររករហូតដល់ម៉ោង០២រសៀល ថ្ងៃទី១៣ ខែឆ្នូ ឆ្នាំ២០១៧ ក៏បានទទួលដំណឹងថាមានមនុស្សដេកស្លាប់ក្នុងអូរនៅចំណុចកើតហេតុខាងលើ ដោយមានការសង្ស័យពួកគាត់ក៏នាំគ្នាទៅមើលក៏ដឹងថា ជាប្តីដែលបានដេកស្លាប់នោះ ។
ភ្លាមៗនោះដែរ ក្រុមគ្រួសារក៏បានរាយការណ៏ជូនសមត្ថកិច្ចមូលដ្ឋានចុះមកពិនិត្យ និងបានបញ្ជាក់ថា ជនរងគ្រោះបានស្លាប់ដោយសារខ្យល់.គ មិនមានពាក់ព័ន្ធករណីឃាតកម្មអ្វីទេ ក្រោយពីធ្វើការពិនិត្យរួចរាល់សពត្រូវប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ។
