លោក ធី ស្រស់ នាយប៉ុស្តិ៍នគរបាលរដ្ឋបាលមេមង បានទទួលព័ត៌មានពីបងប្អូនប្រជាពលរដ្ឋថាបានឃើញម៉ូតូ ០១ គ្រឿង ម៉ាកសង់ Dream សេរី ២០១៤ ពណ៌ខ្មៅ ពាក់ស្លាកលេខ ភ្នំពេញ 1AT-5256 ផ្តួលចោលក្បែរផ្លូវអភិវឌ្ឍន៍ក្រាលកៅស៊ូ ចំងាយ ២៥០ ម៉ែត្រ ពីប៉ុស្តិ៍នគរបាលរដ្ឋបាលមេមង ស្ថិតនៅភូមិសំបូរ ឃុំមេមង ស្រុកមេមត់ ខេត្តត្បូងឃ្មុំ ដោយមិនដឹងម្ចាស់នៅឯណាឡើយ ?
ហើយបើតាមការសន្និដ្ឋានរបស់សមត្ថកិច្ចយើង ម៉ូតូនេះគឺទើបតែជិះចេញមកពីចូលរួមពិធីមង្គលការនៅឯមេមត់ កាលពីល្ងាចថ្ងៃទី ០៥ ខែ ធ្នូ គ.ស ២០១៧ ព្រោះថាមានបង្អែម ០១ កញ្ចប់ និងកាដូក្រមា នៅជាប់កង់ម៉ូតូខាងមុខដួលនោះ ។
បច្ចុប្បន្នម៉ូតូនោះត្រូវបានយកទៅរក្សាទុនៅប៉ុស្តិ៍នគរបាលរដ្ឋបាលមេមង ដើម្បីធ្វើការស្រាវជ្រាវរកម្ចាស់ម៉ូតូមកទទួលទៅវិញ ៕អត្ថបទ ទេព វណ្ណះ
