Courtois
អ្នកចាំទីវ័យ២៥ឆ្នាំបានស៊ីដាច់តំណែងដៃទីមួយរបស់ Petr Cech នៅ Chelsea តាំងពីរដូវកាល២០១៤-១៥មក ក្រោយចំណាយពេល៣ឆ្នាំលេងជាមួយ Atletico Madrid ពីចន្លោះឆ្នាំ ២០១១ ដល់២០១៤។ កុងត្រាចាស់របស់ Courtois នឹងអស់សុពលភាពចុងឆ្នាំ២០១៩ ដូច្នេះទើបក្លឹបរហស្សនាមថាតោខៀវស្វះស្វែងចរចាបន្តកុងត្រាថ្មី ដើម្បីរារាំងការចាកចេញរបស់គេ។យោងតាមប្រភពពី HLN ឲ្យដឹងថាតារាឆ្នើមសញ្ជាតិបែលហ្សិកកំពុងទទួលការចាប់អារម្មណ៍ពី Juventus និង Real Madrid ដូច្នេះដើម្បីរក្សាកម្លាំងសំខាន់រូបនេះ Chelsea ត្រូវតែហ៊ានចំណាយលុយកប់ពពកដើម្បីធ្វើឲ្យរូបគេក្លាយជាអ្នកចាំទីស៊ីថ្លៃខ្ពស់បំផុតម្នាក់នៅក្នុងពិភពបាល់ទាត់៕
ប្រភព៖ The Sun ប្រែសម្រួល៖ ឡៃហ៊ាង
