តួយ៉ាងក្រសួងការពារជាតិ លេងស្មើជាមួយព្រះខ័នរាជស្វាយរៀង ១-១ នៅស្ដាតចាស់ជាដើម គឺសុទ្ធតែត្រូវធ្វើការធ្ងន់នៅជើងទី២នេះជាក់ជាមិនខាន។ មួយគូ១ទៀតដែលគេមើលឃើញថាពិសេសដែរនោះ គឺភ្នំពេញក្រោននិងណាហ្គាវើល ដែលណាហ្គាឈ្នះ ២-១ កាលពីជើងទី១កន្លងទៅ។ ២ក្រុមនេះ សុទ្ធតែមានកីឡាករល្អៗដូចគ្នា ប៉ុន្តែណាហ្គាហាក់មានប្រៀបជាងបន្តិច ព្រោះពួកគេមានកីឡាករចាស់ៗ បទពិសោធច្រើនជាងភ្នំពេញក្រោន ពោរពេញដោយកីឡាករក្មេងៗ។
បឹងកេតដែលជើងទី១ ស្មើជាមួយក្រុមគិរីវង់សុខសែនជ័យ ត្រូវគេមើលឃើញថាមានសង្ឃឹមឡើងទៅវគ្គបន្ដច្រើន ត្បិតអីពួកគេលេងស្មើនៅជើងទី១មែន តែពេលនោះលេងនៅតាកែវ ដូច្នេះជើងទី២នេះនឹងលេងនៅទឹកដីរបស់បឹងកេតវិញម្ដង នាស្ដាតចាស់។ ដោយឡែកសម្រាប់ក្រុមប៉ូលិសវិញ នឹងប្រឹងប្រែងអស់ពីសមត្ថភាពហើយសម្រាប់ការប៉ះអគ្គីសនីជើងទី២នេះ ព្រោះថាពួកគេចាញ់ ១-០ កាលពីជើងទី១កន្លងទៅ។
លទ្ធផលជើងទី១
ដូច្នេះមានតែចាំមើលជើងទី២ស្អែកនេះហើយ ទើបដឹងថា៤ក្រុមណាដែលអាចឡើងទៅវគ្គពាក់កណ្ដាលផ្ដាច់ព្រ័ត្របាន។ កាលបរិច្ឆេទនៃការប្រកួតសូមមើលរូបខាងក្រោមនេះ៖