ខេត្តព្រះសីហនុ ៖ ក្នុងដំណើរទស្សនៈកិច្ចនៅកម្ពុជារយៈពេល៦ថ្ងៃចាប់ពីថ្ងៃទី៧ដល់ថ្ងៃទី១២ ខែវិច្ឆិកា ឆ្នាំ២០១៧ នាវាចំបាំងប្រឆាំងនាវាមុជទឹកធុនធំ(នាវាពិឃាត)របស់កងទ័ពជើងទឹកប្រទេសរុស្ស៊ីអមដោយនាវាដឹកប្រេងចំនួន២គ្រឿងដែលមាននាវឹកសរុបចំនួន៤៦៣នាក់បានចូលចតនៅកំពង់ផែរអន្តរជាតិក្រុងព្រះសីហនុក្នុងថ្ងៃទី៧ ខែវិច្ឆិកា ឆ្នាំ២០១៧ ដោយសុវត្តិភាព ។
ក្រោយពីការចូលចតដោយសុវត្ថិភាពនៅកំពង់ផែរក្រុងព្រះសីហនុនាព្រឹកថ្ងៃទី៧ ខែវិច្ឆិកាឆ្នាំ២០១៧ នៅសាលាខេត្តព្រះសីហនុ លោកឧត្តមនាវីទោ Eduard Mikhaylov មេបញ្ជាការកងទ័ពជើងទឹករុស្ស៊ីប្រចាំតំបន់ប៉ាស៊ីហ្វិកក្រោមការទទួលស្វាគមន៏ពីលោកឧត្តមនាវីទោរស់វាសនាមេបញ្ជាការកងទ័ពជើងទឹកមូលដ្ឋានសមុទ្ររាមបានដឹកនាំប្រតិភូជួបសំដែងការគួរសម ។
ក្នុងអំឡុងពេលទស្សនៈកិច្ចនៅកម្ពុជា៦ថ្ងៃនេះមេបញ្ជាការកងទ័ពជើងទឹកប្រទេសរុស្ស៊ីប្រចាំតំបន់ប៉ាស៊ីហ្វិកមានប្រសាសន៍បញ្ជាក់ថា មានគំរោងជួបសំណេះសំណាលជាលក្ខណៈមិត្តភាពជាមួយមន្ត្រីយោធជាន់ខ្ពស់ និងមន្ត្រីអាជ្ញាធរខេត្តព្រះសីហនុ ពិសេសជាមួយសមភាគីកងទ័ពជើងទឹកកម្ពុជា ។
នៅក្នុងជំនួបនេះក្រៅតែពីកិច្ចពិភាក្សាផ្ដោតទៅលើចំណងសាមគ្គីភាពកិច្ចសហប្រតិបត្តិការ រវាងប្រទេសទាំងពីកម្ពុជា-រុស្ស៊ី និងសំណើរអភិវឌ្ឍន៍ប្រទេសជាតិគោលបំណងសំខាន់របស់នាវារុស្ស៊ីនៅកម្ពុជា ៕
