Nokia បានចេញលក់ទូរសព្ទស៊េរីថ្មី Nokia 2 ពីរបីថ្ងៃមុននេះ។ ការរចនារូបរាងខាងក្រៅមិនប៉ុន្មានទេ ប៉ុន្តែទូរសព្ទនេះថ្ពក់ចិត្តអ្នកប្រើប្រាស់ដោយសារសមត្ថភាពកាន់ថ្មមិនធម្មតារបស់វា ដែលតម្រូវចិត្តអ្នកចូលចិត្តលេងទូរសព្ទយូរៗ ហើយធុញទ្រាន់ការសាកថ្មញឹកញាប់។
អ្នកនាង ស្រី អូន ម្ចាស់ហាងទូរសព្ទស្រីអូនម្តុំគីរីម្យបានប្រាប់ថា Nokia 2 ទើបចេញលក់ប៉ុន្មានថ្ងៃមុនទេ។ ការរចនារូបរាងរបស់វាស្អាតគួរសម ប៉ុន្តែអ្វីចាប់អារម្មណ៍គឺថ្មកាន់ខ្លាំង។
អ្នកនាងថា តម្លៃជាង ១០០ អាចត្រូវចិត្តអ្នកចង់បានទូរសព្ទស៊េរីមធ្យម ហើយដែលមានថាមពលថ្មកាន់បានយូរ។
ម៉ូឌែល Nokia 2 មានថាមពលថ្មដល់ទៅ 4100 mAh និងបានបំពាក់ដោយអេក្រង់ទំហំ 5 អ៊ីញ ប្រភេទ LTPS LCD HD display។ មានកាមេរ៉ាខាងក្រោយទំហំ 8 មេហ្គាភិចសែលដែលមានមុខងារ automatic scene detection និង auto focus និងកាមេរ៉ាខាងមុខទំហំ 5MP។
ដំណើរការជាមួយនឹងប្រព័ន្ធប្រតិបត្តិការ Android Nougat អាចឡើងទៅ Android Oreo និងមានមុខងារវៃឆ្លាតដូចជា Google Assistant។
លោក Juho Sarvikas ប្រធានផ្នែកផលិតផលនៃក្រុមហ៊ុន HMD Global ឲ្យដឹងថា គ្រប់ផ្នែកទាំងអស់ Nokia 2 រាប់ចាប់ពី display ទៅដល់ថាមពលថ្ម ពី chipset ទៅដល់ការរចនាប្រព័ន្ធខាងក្នុង ត្រូវផលិតឡើងឲ្យស៊ីថាមពលតិចបំផុតពីបន្ទះថ្មដ៏ធំមួយ ផ្តល់ឲ្យស្មាតហ្វូនមួយនេះកាន់ថ្មបានយូរ។
លោកថា ម៉ូដែល Nokia 2 ត្រូវបានផលិតឡើងខុសប្លែកពីទូរសព្ទដទៃទៀត ដោយថាមពលថ្មអាចកាន់បានរហូតដល់ទៅ 2 ថ្ងៃ មិនចាំបាច់ត្រូវការសាកញឹកញាប់នោះទេ។
Nokia គឺជាប្រភេទទូរសព្ទដែលល្បីឈ្មោះជាយូរមកហើយ ចំពោះសមត្ថភាពធន់ រឹងមាំ។
លក្ខណៈពិសេសនៃបច្ចេកវិទ្យា របស់ Nokia 2
CPU: Qualcomm Snapdragon
ប្រព័ន្ធប្រតិបត្តិការ: Android Nougat
RAM: RAM 1GB DDR3
ទំហំផ្ទុក: 8GB (អាចថែមមេម៉ូរីក្រៅបានហូតដល់ទៅ 128GB ជាមួយកាត MicroSD)
អេក្រង់: 5.0 "HD 1280 x 720 LTPS LCD, In-Cell Touch, Corning® Gorilla® Glass 3
កាមេរ៉ា:
-កាមេរ៉ាខាងក្រោយ: 8MP ជាមួយ LED flash
-កាមេរ៉ាខាងមុខ: 5MP fixed focus
ថ្ម: 4100 mAh
ម៉ូឌែល Nokia 2 តម្លៃតាមហាងនានាប្រហែល ១០៩ ដុល្លារអាមេរិក៕
ប្រភព៖ Sabay News