ស្ត្រីប៉ុនប៉ងលោតទឹកឈ្មោះ បុប្ផា អាយុ២៤ឆ្នាំ ស្នាក់នៅសង្កាត់ជ័យជំនះ ខណ្ឌដូនពេញ ។
ប្រភពព័ត៌មានពីសាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញស្ត្រីម្នាក់មិនដឹងថាមានវិបត្តរឿងអីទេ គ្រាន់តែសាច់ញាតិបានអះអាងថា មានវិបតិ្តរឿងគ្រួសារជាមួយប្តី ក៏បានសម្រេចចិត្តជិះម៉ូតូឌុប ពីជ្រោយចង្វារទៅលោតទឹកសម្លាប់ខ្លួននៅមុខព្រះបរមរាជវាំងបង្កឲ្យមានការភ្ញាក់ផ្អើលដល់ប្រជាពលរដ្ឋនាំគ្នាចោមរោមមើលបានមួយសន្ទុះទើបមានសមត្ថកិច្ចប៉ុស្តិ៍ជ័យជំនះមកដល់កន្លែងកើតហេតុ ភ្លាមៗនោះស្ត្រីដែលលោតទឹកឃើញសមត្ថកិច្ចមកដល់បានហែលទឹកឡើងមកគោកវិញ រួចជិះរ៉ឺម៉កម៉ូតូជាមួយបងប្អូនទៅផ្ទះវិញ។
ស្ត្រីដែលប៉ុនប៉ងលោតទឹក ហើយមិនបានសម្រេចបានឲ្យដឹងថា រូបគាត់មិនមានបំណងចង់លោតទឹកសម្លាប់ខ្លួននោះទេ គឺគាត់ចុះទៅមាត់ច្រាំងទន្លេ ដើម្បីចុះទៅបេះដៃកំប្លោកក៏រអិលជើងដួលធ្លាក់ចូលក្នុងទន្លេតែម្តង ។
បន្ទាប់ពីមានការភ្ញាក់ផ្អើលភ្លាមៗឃើញសាច់ញាតិមកដល់កន្លែងកើតហេតុបាននាំស្ត្រីដែលលោតទឹកសម្លាប់ខ្លួនមិនបានសម្រេចត្រឡប់ទៅផ្ទះវិញ ហើយសាច់ញាតិគ្រាន់តែ បង្ហើបប្រាប់ថាមានវិបត្តិជាមួយប្តី ៕
