ប្រភព៖ The Verge
Essential Phone ធ្លាក់ថ្លៃ ២០០ ដុល្លារ ព្រោះលក់មិនដាច់
24/10/2017
ក្រុមហ៊ុន Essential បានកាត់បន្ថយតម្លៃស្មាតហ្វូន Essential Phone លក់លើវិបសាយរបស់ខ្លួនមកនៅត្រឹម ៤៩៩ ដុល្លារប៉ុណ្ណោះ ។ នេះជាការទម្លាក់តម្លៃដល់ ២០០ ដុល្លារ ពីតម្លៃដើម ៦៩៩ ដុល្លារ។
ការទម្លាក់តម្លៃនេះគ្មានមូលហេតុអ្វីផ្សេងក្រៅពីស្មាតហ្វូននេះលក់មិនសូវដាច់នោះទេ ជាពិសេសពេលនេះត្រូវប្រឈមមុខនឹង Google Pixel 2 និង Pixel 2 XL ទៀតផង។ វាជារឿងធម្មតាដែលតម្លៃស្មាតហ្វូន Android ធ្លាក់ចុះបន្តិចម្ដងៗតាមពេលវេលា ប៉ុន្តែនេះជាការធ្លាក់ថ្លៃដ៏លឿនបំផុត ព្រោះថា Essential Phone ចេញលក់លើទីផ្សារសហរដ្ឋអាមេរិក មិនដល់ពីរខែផង។
ដើម្បីប៉ះប៉ូវដល់អតិថិជនដែលបានជាវ Essential Phone មុនៗ ក្រុមហ៊ុនក៏មានផ្ដល់ជូននូវកូដ Essential Store តម្លៃ ២០០ ដុល្លារ ដើម្បីប្រើសម្រាប់ទិញស្មាតហ្វូនមួយទៀត ឬ Module ផ្សេងៗ៕
ប្រភព៖ The Verge
ប្រភព៖ The Verge
