តារាឆ្នើមសញ្ជាតិអេស្ប៉ាញលេងបាន៦៣៩ប្រកួតនិងស៊ុតបញ្ចូលទី៥៥គ្រាប់ជាមួយក្លឹបយក្សកាតាឡាន់។Iniesta ចូលរួមថ្នាលយុវជន Barcelona កាលពីឆ្នាំ១៩៩៦ក្នុងវ័យ១២ឆ្នាំ រួចបង្ហាញខ្លួនក្នុងឈុតធំលើកដំបូងនៅឆ្នាំ២០០២ ជួយក្លឹបឈ្នះ La Liga ៨ដង និង Champions League ៤ដង។
កើតនៅទីក្រុង Fuentealbilla ភាគអាគ្នេយ៍រាជធានីម៉ាឌ្រីដ Iniesta ត្រូវក្លឹបតែងតាំងជាប្រធានក្រុមកាលពីឆ្នាំ២០១៥រហូតដល់បច្ចុប្បន្នក្នុងនោះរូបគេមានកំណត់ត្រាឈ្នះពាន៣០ដងក្នុងប្រវត្តិសាស្ត្រ Barcelona ស្មើគ្នាជាមួយកំពូលខ្សែប្រយុទ្ធ Lionel Messi។
ក្រោយចុះកុងត្រាក្លឹបខ្សែបម្រើជំនាញជើងស្ដាំបាននិយាយថា៖ "ថ្ងៃនេះគឺជាថ្ងៃដ៏ពិសេសបំផុត ព្រោះតែខ្ញុំអាចបន្តស្នាក់នៅក្លឹបមួយដែលខ្ញុំចាត់ទុកថាជាផ្ទះ និងជាកន្លែងដែលខ្ញុំស្រមៃថាអាចបង្កើតភាពជោគជ័យជាមួយ។Barcelona ជាអ្នកធ្វើឲ្យខ្ញុំធំធាត់ និងរីកចម្រើន"៕
