១. ក្នុងដំណាក់កាលណាមួយ មនុស្សជាច្រើនមានការព្រួយបារម្ភថាតើចម្លើយតបផ្លូវភេទរបស់គេ មានដំណើរការតាមធម្មតាដែរ ឬយ៉ាងណា?
– ការព្រួយបារម្ភភាគច្រើនលើដំណើរការផ្លូវភេទ គឺពាក់ព័ន្ធនឹងអារម្មណ៍ និងស្ថានភាពរបស់បុគ្គលនានា។ ពួកគេប្រហែលជាយល់ ដឹងពីឥរិយាបថអវិជ្ជមានស្ដីពីការរួមភេទ ឬមានបទពិសោធន៍ផ្លូវភេទដែលគួរឲ្យរំខាន។ ពួកគេអាចមានអារម្មណ៍អវិជ្ជមាន។
– ចំពោះដៃគូរ ពួកគេអាចមានការព្រួយបារម្ភពីជំងឺកាមរោគ អេដស៍ ភាពមានគភ៌ ឬពួកគេអាចមានការបែកអារម្មណ៍ដោយសារកង្វះឯកជនភាព។ ពួកគេប្រហែលជាមិនដឹងពីចំណុចខុសគ្នាជាធម្មតា នៃចម្លើយតបផ្លូវភេទ ប្រហែលជាមិនមានឆន្ទៈ ឬអាចនិយាយពីតម្រូវការរួមភេទ។
– បញ្ហាដែលកើតមានលើដំណើរការផ្លូវភេទ ត្រូវបានបង្កដោយកត្តារាងកាយ ដូចជា គ្រឿងស្រវឹង ថ្នាំញៀន ឬការលេបថ្នាំ ប៉ុន្តែបញ្ហាទាំងនេះមិនសូវជាកើតមានញឹកញាប់ឡើយ។
២. ការព្រួយបារម្ភ ឬបញ្ហាផ្លូវភេទមួយចំនួន គឺកើតមានជាទូទៅ ក្នុងចំណោមបុរស និងក្មេងប្រុស។
បញ្ហា និងក្ដីព្រួយបារម្ភទាំងនេះរួមមាន៖
– មិនអាចធ្វើឲ្យ ឬរក្សាឲ្យលិង្គឡើងរឹង គ្រប់គ្រាន់ដើម្បីរួមភេទ។ បុរសសឹងគ្រប់រូបសុទ្ធតែមានការព្រួយបារម្ភបញ្ហានេះ នៅក្នុងពេលណាមួយក្នុងជីវិតរបស់គេ។
– ការចេញទឹកកាមឆាប់រហ័ស ហើយមានអារម្មណ៍ថា ការបញ្ចេញទឹកកាមមិនអាចគ្រប់គ្រងបាន។
– មិនអាចឈានដល់ចំណុចកំពូល ឬប្រើពេលយូរជាងការចង់បានដើម្បីឈានដល់ចំណុចកំពូល។
– មិនអាចជួយឲ្យដៃគូរបស់គេឈានដល់ចំណុចកំពូល។
៣. ការព្រួយបារម្ភ ឬបញ្ហាផ្លូវភេទមួយចំនួនគឺកើតមានជាទូទៅក្នុងចំណោមស្ត្រី និងក្មេងស្រី។
បញ្ហា និងក្ដីព្រួយបារម្ភទាំងនេះរួមមាន៖
– មិនអាចឈានដល់ចំណុចកំពូល ឬប្រើពេលយូរជាងការចង់បាន ដើម្បីឈានដល់ចំណុចកំពូល។
– មិនឆ្លើយតបចំពោះរំញោចផ្លូវភេទ។
– មានការឈឺចាប់ឥតឈប់ឈរពេលរួមភេទ (ដែលអាច បណ្ដាលមកពីរោគឆ្លង)។
៤. មនុស្សជាច្រើន (មិនថា មានយេនឌ័រ ឬ អត្តសញ្ញាណផ្លូវភេទ យ៉ាងណានោះទេ) ត្រូវឆ្លងកាត់ពេលវេលា ដែលពួកគេមិនសូវមានការចាប់អារម្មណ៍ចំពោះការរួមភេទ។ វាអាចក្លាយជាការព្រួយបារម្ភសម្រាប់គូស្វាមីបើសិនជាដៃគូរទាំងពីរនាក់មិនមានចំណង់ផ្លូវភេទស្រដៀងគ្នានោះ។
៥. ការប្រាស្រ័យទាក់ទងដោយភាពស្មោះត្រង់ និងការគោរពជាមួយនឹងដៃគូអាចជួយកសាងសេចក្ដីសុខ និងសេចក្ដីរីករាយឡើងវិញ។ បើសិនជាការព្រួយបារម្ភនៅតែកើតមាន ឬរំខាន ដល់ការរីករាយខាងផ្លូវភេទរបស់មនុស្សម្នាក់ៗ នោះការនិយាយជាមួយនឹងអ្នកប្រឹក្សាយោបល់ដែលគួរទុកចិត្តប្រហែលជាអាចជួយបាន។
