សព្វថ្ងៃនេះមនុស្សគ្រប់គ្នាគិតថា ការរួមភេទគ្រាន់តែជាការសប្បាយមួយរយៈពេលខ្លីតែប៉ុណ្ណោះ ដោយពួកគេមិនទាន់ដឹងច្បាស់អំពីអត្ថប្រយោជន៍នៃការរួមភេទនៅឡើយទេ។
យោងតាមគេហទំព័រព័ត៌មានសុខភាព WebMD បានធ្វើការបកស្រាយឲ្យដឹងថា ការរួមភេទមិនមែនគ្រាន់តែជាការសប្បាយនោះទេ តែផ្ទុយទៅវិញវាបានផ្ដល់នូវផលវិជ្ជមានជាច្រើន។
ដើម្បីដឹងកាន់តែច្បាស់ សូមប្រិយមិត្តអានអាថ៌កំបាំងសំខាន់ៗទាំង៤ចំណុច ដែលមានដូចខាងក្រោម ៖
១. រក្សាដំណើរការផលិតប្រព័ន្ធភាពស៊ាំ
បណ្ឌិតសុខភាពផ្លូវភេទនៅក្នុងសាកលវិទ្យាល័យ Wilkes ក្នុងរដ្ឋ Pennsylvania បានស្រាវជ្រាវថា កូនសិស្សនៅក្នុងសាលាដែលបានរួមភេទ១ ទៅ២ដងក្នុង១សប្ដាហ៍ អាចបង្កើនសារធាតុសម្រាប់ការពារខ្លួនខ្ពស់ជាង កូនសិស្សដែលមិនបានធ្វើសោះ។
២. បញ្ចុះសម្ពាធឈាម
វេជ្ជបណ្ឌិត Joseph J. Pinzone ជានាយកប្រតិបត្តិ និងជាប្រធានផ្នែកវេជ្ជសាស្ត្រនៃអង្គការ សុខភាព បានស្រាវជ្រាវអំពីការផ្សារភ្ជាប់រវាងការរួមភេទនិងសម្ពាធឈាម “ការសិក្សាមួយបានរកឃើញថាការរួមភេទដល់ចំណុចកំពូល អាចកាត់បន្ថយសម្ពាធឈាមបាន ” នេះជាការសាកល្បង សម្ពាធឈាមលើកដំបូងរបស់លោក។
៣. កាត់បន្ថយជំងឺគាំងបេះដូង
Pinzone បាននិយាយថា ការរួមភេទដល់កំពូលគឺមានផលល្អដល់បេះដូងរបស់អ្នក ក្រៅពីនេះទៀតវាជួយដល់ចង្វាក់បេះដូង និងរក្សាកម្រិត អ័រម៉ូនស្រី និង អ័រម៉ូនប្រុស អោយមានតុល្យភាព។
៤. កាត់បន្ថយជំងឺមហារីកក្រពេញប្រូស្តាត (Prostate)
សមាគមវេជ្ជសាស្ត្រអាមេរិកបានចុះផ្សាយនៅក្នុងទស្សនាវដ្ដីមួយស្ដីអំពី ការបញ្ចេញចោល(ទឹកកាម)របស់បុរសជាញឹកញាប់ (យ៉ាងហោចណាស់ ២១ ដងក្នុងមួយខែ) វាជួយកាត់បន្ថយជំងឺមហារីកក្រពេញប្រូស្តាត (Prostate)។
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)