សម្តេច ហ៊ុន សែន លើកសំណើនេះនៅក្នុងទិវាគ្រូបង្រៀនឆ្នាំ២០១៧ ក្រោមប្រធានបទ «គ្រូបង្រៀនជាវិស្វករព្រលឹងនៃយុវជនជំនាន់ក្រោយ»នៅវិទ្យាស្ថានជាតិអប់រំនៅព្រឹកនេះ។
សម្ដេចបានលើកឡើងថាៈ «ដោយសារខ្វះគ្រូបង្រៀន នៅសាលាមួយចំនួន ត្រូវការជ្រើសរើសគ្រូជាប់កិច្ចសន្យាបន្ថែម ដែលនេះវាបញ្ហាមួយដែលត្រូវដោះស្រាយ»។
សម្ដេចបន្ថែមថា អាយុ ៦០ឆ្នាំ ជាអាយុដែលគ្រូមានជំនាញពូកែ និងបទពិសោធន៍ខ្លាំងក្នុងការបង្រៀនសិស្ស ហេតុនេះសម្តេចថាក្រសួងមុខងារសាធារណៈគួរពិនិត្យ និងធ្វើវិសោធនកម្មច្បាប់ឡើងវិញ ដើម្បីស្នើដល់សភាឲ្យអនុម័ត.
គួរបញ្ជាក់ថាបច្ចុប្បន្នប្រាក់ខែគ្រូបង្រៀនទាបបំផុតប្រហែលជា៩៥ម៉ឺនរៀន ហើយនៅឆ្នាំ២០១៨ រដ្ឋាភិបាលគ្រោងតំឡើងឲ្យបានជាងមួយលានរៀល៕
រូបភាព៖ ហ្វេសប៊ុកសម្តេច ហ៊ុន សែន
