ក្រុម Burriram ឈ្នះពាន TMCC កាលពី២០១៦
ពានរង្វាន់ជើងឯកតូយ៉ូតាមេគង្គក្លឹប (TMCC )ត្រូវបានបង្កើតឡើងកាលពីក្នុងឆ្នាំ២០១៤ក្នុងគោលបំណងលើកកម្ពស់វិស័យកីឡាបាល់ទាត់ក្នុងសហគមន៍នៃបណ្តាប្រទេសតាមដងទន្លេមេគង្គ។ កាលពី ពាននេះរៀបចំឡើងមានក្រុមជើងឯកលីគនៃប្រទេស កម្ពុជា ថៃ ឡាវ មីយ៉ាន់ម៉ា និងវៀតណាម។ រយៈពេល៣រដូវកាលកន្លងទៅ ការប្រកួតកាន់តែប្រសើរជាងមុនជាលំដាប់ទាំងផ្លាស់ប្តូរទឹកដីប្រកួត រូបមន្ត និងប្រាក់រង្វាន់។ ចាំបានថា កាលពីឆ្នាំ២០១៤ ក្រុមរបស់វៀតណាមគឺ Becamex Bình Dương ជាជើងឯក ខណៈឆ្នាំ២០១៥ និង២០១៦ បានទៅក្រុម Burriram United ពីរឆ្នាំជាប់គ្នា។សម្រាប់រដូវកាលទី៤នេះ ការប្រកួតនឹងធ្វើឡើងចាប់ពីខែធ្នូ ឆ្នាំ២០១៧ដល់ ខែមករា ឆ្នាំ២០១៨។ ការប្រកួតប្រជែងនេះនឹងមានការចូលរួមពីក្រុមមកពីក្របខ័ណ្ឌលីគកំពូលរបស់ប្រទេស ឡាវ កម្ពុជា ថៃ និងវៀតណាម ប៉ុន្តែក្រុមរបស់មីយ៉ាន់ម៉ាមិនបានចូលរួមឡើយ។ ព័ត៌មានលម្អិតអំពីការប្រកួតឆ្នាំនេះនឹងត្រូវប្រកាសនៅសន្និសីទសារព័ត៌មានប្រចាំតំបន់ នៅខែវិច្ឆិកាខាងមុខនេះ នៅទីក្រុងបាងកកប្រទេសថៃ។
បើនិយាយពីប្រទេសកម្ពុជា ក្រុមដែលមានពិន្ទុខ្ពស់ជាងគេ បន្ទាប់ពីការប្រកួតលីគបាល់ទាត់កំពូលកម្ពុជាទាំង២ជើងត្រូវបានបញ្ចប់ ក្រុមនោះនឹងតំណាងឲ្យកម្ពុជាចូលរួមការប្រកួតពានរង្វាន់នារដូវកាលនេះ។
ជើងទី១៖ ក្រុមតំណាងវៀតណាម vs ក្រុមតំណាងកម្ពុជា ថ្ងៃទី៩ ធ្នូ ២០១៧ (ទឹកដីវៀតណាម)
ជើងទី២៖ ក្រុមតំណាងកម្ពុជា vs ក្រុមតំណាងវៀតណាម ថ្ងៃទី១៣ ធ្នូ ២០១៧ (ទឹកដីកម្ពុជា)
កម្មវិធីប្រកួតវគ្គពាក់កណ្តាលផ្តាច់ព្រ័ត្រ
ក្រុមតំណាងឡាវ vs ក្រុមឈ្នះវគ្គជម្រុះ ថ្ងៃទី១៧ ធ្នូ ២០១៧ (ទឹកដីឡាវ)
វគ្គផ្តាច់ព្រ័ត្រ
ជើងទី១៖ ក្រុមឈ្នះវគ្គពាក់កណ្តាលផ្តាច់ព្រ័ត្រ vs ក្រុមតំណាងថៃ ថ្ងៃទី២៣ ធ្នូ ២០១៧ (ទឹកដីក្រុមឈ្នះវគ្គពាក់កណ្តាលផ្តាច់ព្រ័ត្រ)
ជើងទី២៖ ក្រុមតំណាងថៃ vs ក្រុមឈ្នះវគ្គពាក់កណ្តាលផ្តាច់ព្រ័ត្រ ថ្ងៃទី៦ មករា ២០១៧ (ទឹកដីថៃ)
ប្រាក់រង្វាន់រួមមាន
ក្រុមជើងឯក៖ ៧៥០០០ដុល្លារអាមេរិក
ក្រុមលេខ២៖ ៥០០០០ដុល្លារអាមេរិក
ក្រុមលេខ៣៖ ៣០០០០ដុល្លារអាមេរិក
ក្រុមលេខ៤៖ ១០០០០ដុល្លារអាមេរិក
កីឡាករឆ្នើមប្រចាំរដូវកាល៖ ៣០០០ដុល្លារអាមេរិក
ចាន់ វឌ្ឍនាកា ឈ្នះពានកីឡាករឆ្នើមពាន TMCC ឆ្នាំ២០១៥
