ទោះមិនបាននាំចូលកីឡាករថ្លៃៗចូលក្នុងរដូវកាលនេះ តែក្នុងខែ កញ្ញានេះក្រុមយក្ស Real Madrid បានបន្ថែមកិច្ចសន្យាថ្មីជាមួយកីឡាករដែលជាកម្លាំងសំខាន់ដល់ទៅ៦រូប។ ខ្សែការពារបារាំង Raphael Varane ជាកីឡាករចុងក្រោយ ដែលយល់ព្រមពង្រីកកុងត្រាថ្មីជាមួយក្លឹប។
ខាងក្រោមនឹងបង្ហាញឈ្មោះកីឡាករទាំង៥រូប៖
១. Isco
កាលពីពាក់កណ្ដាលខែ កីឡាករអេស្ប៉ាញរូបនេះបានពង្រីកកុងត្រាដល់ឆ្នាំ២០២២ ហើយ Real Madrid បានកំណត់ថ្លៃផ្ដាច់កុងត្រាដល់ទៅ៧០០លានអឺរ៉ូ។
២. Marcelo
ខ្សែការពារឆ្វេងសញ្ជាតិប្រេស៊ីលបានបន្ថែមកុងត្រា ដែលត្រូវអស់ត្រឹមឆ្នាំ២០២០ ឡើងដល់ឆ្នាំ២០២២។ Marcelo មកដល់ Estadio Santiago Bernabeu តាំងពីឆ្នាំ២០០៧ ក្នុងវ័យ១៨ឆ្នាំ ហើយបច្ចុប្បន្នជាប្រធានក្រុមរងនៅ Madrid។
៣.Marcos Llorente
យុវជនដែលទើបត្រលប់ពីការខ្ចីជើងពីក្រុម Alavés ត្រូវបាន Real Madrid ផ្ដល់សេចក្ដីទុកចិត្ត បន្ថែមកិច្ចសន្យាដល់ឆ្នាំ២០២១។ តាមពិតកុងត្រារបស់កីឡាករអេស្ប៉ាញរូបនេះត្រូវអស់នៅឆ្នាំ២០១៩ តែដោយឃើញទម្រង់លេងល្អអាចជាប់ជម្រើសដំបូង ក្លឹបក៏សម្រេចបន្តកុងត្រាតែម្ដង។
៤.Benzema
ក្នុងរដូវក្ដៅកន្លងទៅក្លឹបមួយចំនួនបានដាក់ការចាប់អារម្មណ៍លើខ្សែប្រយុទ្ធបារាំងនេះ ទោះធ្លាក់ទម្រង់បន្តិច។ យ៉ាងណា សប្ដាហ៍មុនក្លឹប Real Madrid បានប្រកាសថា ពួកគេយល់ព្រមឲ្យ Benzema បន្តនៅអេស្ប៉ាញដល់ឆ្នាំ២០២១។
៥.Carvajal
ថ្ងៃទី ១៧ ខែ កញ្ញា ខ្សែការពារឆ្នាំសញ្ជាតិអេស្ប៉ាញបានបន្ថែមកុងត្រា២ឆ្នាំទៀតលើកុងត្រាចាស់ ធ្វើឲ្យគេបន្តនៅទីក្រុង Madrid ដល់ឆ្នាំ២០២២។
៦. Varane
ម្សិលមិញនេះឯង Raphael Varane បានក្លាយជាកីឡាករចុងក្រោយ បានបន្តកុងត្រាថ្មីជាមួយ Real Madridដល់ឆ្នាំ២០២២។ Sergio Ramos គឺជាបេក្ខភាពម្នាក់ទៀតដែលគេគិតថា នឹងបន្ថែមកុងត្រានៅពេលខាងមុខ៕
![logoblog](https://3.bp.blogspot.com/-h2g5wrjCTDw/Wz3E6ocavYI/AAAAAAAABH8/nOqtyDL2VnEF_HmhZyjlu59zWRS8t7ZNwCLcBGAs/s1600/blogger.png)