ជំនួបដ៏ក្ដៅគគុករវាងក្លឹបធំៗ២ នៅក្នុងក្របខណ្ឌកំពូលរបស់ ទួរគី Turkish Super Lig ដោយក្លឹប Fenerbache បានយកឈ្នះម្ចាស់ផ្ទះ Besiktas លទ្ធផល ២-១ នាកីឡដ្ឋានក្នុងទីក្រុង អ៊ីស្តាន់ប៊ុល ខណៈកីឡាករខាងម្ចាស់ផ្ទះ៣រូបទទួលបានកាតក្រហម។
កីឡាករ Vincent Janssen របស់ក្លឹប Fenerbache ខ្ចីជើងពីក្លឹបមាន់ខ្នាយមាស Tottenham បានទាត់បញ្ចូលទីធ្វើឲ្យ Fenerbache នាំមុខម្ចាស់ផ្ទះ ២-០ មុនពេលអតីតខ្សែប្រយុទ្ធហង្សក្រហម Liverpool, Ryan Babel បំប៉ោងសំណាញ់ទី១គ្រាប់តាមពីក្រោយវិញ។
កីឡាករ Ricardo Quaresma របស់ក្រុម Besiktasត្រូវបានបណ្ដេញចេញបន្ទាប់ពីទទួលបានកាតលឿង២ មុនពេលកីឡាករ Luis Neto របស់ Fenerbache ទទួលបានកាតក្រហមដែរ។ ៥នាទីមុនបញ្ចប់ការប្រកួត កីឡាករ៣នាក់ទៀតរបស់ក្រុមទាំងសងខាងទទួលបានកាតក្រហមរៀងៗខ្លួន ដែលធ្វើឲ្យក្រុមម្ចាស់ផ្ទះសល់គ្នា៨នាក់ ទល់នឹងក្រុមភ្ញៀវ៩នាក់។ សរុបទៅក្នុងការប្រកួតនេះមានកីឡាករដល់ទៅ៥នាក់បានកាតក្រហម៕
ប្រភព៖ BBC