លោក ងិន សុវិមានប្រធានមន្ទីរទេសចរណ៍ខេត្តមណ្ឌលគិរី បានឱ្យដឹងនៅល្ងាចថ្ងៃទី២១ខែកញ្ញាឆ្នាំ២០១៧ថាភ្ញៀវទេសចរណ៍បានមកទស្សនារមណីយដ្ឋាននានាក្នុងខេត្តចំនួន ជិតមួយ េមុីននាក់ ក្នុងនោះដែរគេឃេីញថាភ្ងៀវជាតិមានចំនួន ៨០ភាគរយ រីឯភ្ញៀវអន្តរជាតិប្រមាណ២០ភាគរយ កើនឡើងសរុប១៧.១៤ភាគរយ បេីធៀបនិងរយៈពេលដូចគ្នាកាលពីឆ្នាំ២០១៦។
បេីតាមការអោយដឹងតាមរយះភ្ងៀវដែលបានមកទស្សនាក្នុងពេលរដូវភ្ជុំបិណ្ឌនេះ គឺគាត់ភាគច្រេីនជាអ្នករស់នៅតាមបណ្ដាខេត្ត ផ្សេងៗគ្នា ហេីយក៏បានល្បីតៗគ្នាថា ខេត្តមណ្ឌលគិរីពិតជាមាន សម្រស់គួរអោយកោតសសេីរមែន ដែលខេត្តភាគឦសាន្តមួយនេះ ក្នុងរដូវបុណ្យភ្ជុំបិណ្ឌនេះមានអាកាសធាតុត្រជាក់មានទេសភាពខៀវស្រងាត់ជាហេតុបង្ករឱ្យដំណើរកម្សាន្តប្រកបដោយផាសុខភាព។
នៅក្នុងខេត្តមណ្ឌលគិរីយេីង សង្កេតឃើញថា ភ្ងៀវភាគច្រេីនគាត់ចូលចិត្តកំសាន្ត នៅតាម តំបន់ល្បីៗប្រចាំខេត្តមានដូចជា ទៅអុជធូបសូមសេចក្តីសុខនៅភ្នំដោះក្រមុំមុជទឹកលេងនៅទឹកជ្រោះប៊ូស្រា ឈប់សម្រាកនៅរម្មណីដ្ឋាន ចំការការហ្វេ និងខ្លះទៀត ទៅឃុំដាក់ដាំដើម្បីស្រស់ស្រូបអាហារនៅកំពូលភ្នំអណ្តូងស្នេហ៍ បេីសំរាប់ភ្ងៀវបរទេសវិញគឺ គាត់ចូលចិត្តលក្ខណៈទេសចរណ៍បៀបផ្សងព្រេង ក្នុងព្រៃ ទស្សនាសត្វដំរី និង ផ្ទះស្នាក់កំសាន្តក្នុងភូមិជនជាតិភាគតិចព្នង តែម្ដង។
