ក្រុមហ៊ុន Samsung បានឲ្យដឹងថា នៅថ្ងៃដំបូងនៃការបើកទទួលការកុម្ម៉ង់ទិញ Galaxy Note 8 នៅប្រទេសកូរ៉េខាងត្បូង ចំនួនកុម្ម៉ង់ទិញមានដល់ ៣៩៥ ០០០ គ្រឿងឯណោះ។
តួលេខនេះគឺច្រើនលើសលប់ ដោយចំពោះ Galaxy Note 7 ក្នុងអំឡុងពេលទទួលការកុម្ម៉ង់រយៈពេល ១៣ ថ្ងៃដំបូង ទទួលបានការកុម្ម៉ង់ទិញតែ ៣៨០ ០០០ គ្រឿងប៉ុណ្ណោះ។ Samsung បន្ថែមថាមាន ៦៥% ជាប្រភេទទំហំ ៦៤ GB និង ៣៥% ជាប្រភេទទំហំ ២៥៦ GB។ ពណ៌ខៀវ និង ពណ៌ខ្មៅជាពណ៌ដែលពេញនិយមជាងគេ។
រំលឹកថា Samsung Galaxy S8 ដែលបានចេញលក់កាលពីអំឡុងដើមឆ្នាំនេះទទួលបានការកុម្ម៉ង់ទិញចំនួន ៥៥០ ០០០ គ្រឿងក្នុងរយៈពេលពីរថ្ងៃដំបូងនៃការបើកការកុម្ម៉ង់ទិញ។ នេះបញ្ជាក់ឲ្យឃើញថា Galaxy Note 8 ទទួលបានការគាំទ្រយ៉ាងខ្លាំង៕
ប្រភព៖ ZDNet