អត្ថបទ និងព័ត៌មានថ្មីៗ

Diego Simeone យល់ព្រមបន្តកិច្ចសន្យាដឹកនាំ Atletico Madrid ដល់ឆ្នាំ២០២០

បញ្ចូលដោយ៖ Laiheang Vobfm - 06/09/2017

បាល់ទាត់៖ គ្រូបង្វឹកសញ្ជាតិអាហ្សង់ទីនលោក Diego Simeone បានយល់ព្រមបន្តដំណើរជា Atletico Madrid ទៅមុខទៀត ក្រោយពីចុះហត្ថលេខាបន្តកិច្ចសន្យាពីរឆ្នាំកាលពីថ្ងៃអង្គារម្សិលម៉ិញ។

បុរសវ័យ ៤៧ឆ្នាំដែលចូលកាន់តំណែងតាំងពីឆ្នាំ២០១១ នោះនឹងបន្តដឹកនាំក្រុមដល់ឆ្នាំ២០២០។

បើតាមសេចក្ដីថ្លែងការរបស់ក្លឹបអោយដឹងថា លោក Diego Simeone នឹងនៅជាមួយក្លឹបដល់ថ្ងៃទី៣០ ខែមិថុនា ឆ្នាំ២០២០ ដែលនេះជាដំណឹងដែលក្លឹប និងអ្នកគាំទ្រទន្ទឹងរង់ចាំ។ អតិតកីឡាករខ្សែបំរើនៅ Atletico Madrid នេះស្រាប់ លោក Diego Simeone បានដឹកនាំក្រុមជោគជ័យនៅអឺរ៉ុបក្នុងរដូវកាលដំបូង ដែលមកកាន់តំណែងមុនពេលលើកពាន European Super Cup និង Copa del Rey។

ក្រោយមកទៀតរដូវកាល ២០១៣-១៤ Atletico Madrid ឈ្នះជើងឯក La Liga និងឡើងវគ្គផ្ដាច់ព្រ័ត្រ UEFA Champions League តែចាញ់ក្រុមរួមរបង Real Madrid នៅវគ្គផ្ដាច់ព្រ័ត្រ៕