បុរសវ័យ ៤៧ឆ្នាំដែលចូលកាន់តំណែងតាំងពីឆ្នាំ២០១១ នោះនឹងបន្តដឹកនាំក្រុមដល់ឆ្នាំ២០២០។
បើតាមសេចក្ដីថ្លែងការរបស់ក្លឹបអោយដឹងថា លោក Diego Simeone នឹងនៅជាមួយក្លឹបដល់ថ្ងៃទី៣០ ខែមិថុនា ឆ្នាំ២០២០ ដែលនេះជាដំណឹងដែលក្លឹប និងអ្នកគាំទ្រទន្ទឹងរង់ចាំ។ អតិតកីឡាករខ្សែបំរើនៅ Atletico Madrid នេះស្រាប់ លោក Diego Simeone បានដឹកនាំក្រុមជោគជ័យនៅអឺរ៉ុបក្នុងរដូវកាលដំបូង ដែលមកកាន់តំណែងមុនពេលលើកពាន European Super Cup និង Copa del Rey។
ក្រោយមកទៀតរដូវកាល ២០១៣-១៤ Atletico Madrid ឈ្នះជើងឯក La Liga និងឡើងវគ្គផ្ដាច់ព្រ័ត្រ UEFA Champions League តែចាញ់ក្រុមរួមរបង Real Madrid នៅវគ្គផ្ដាច់ព្រ័ត្រ៕
ប្រភព៖ Bayon TV