គណនីចំនួន ២ នៅលើ Facebook ដែលមួយជាគណនីរបស់ម្ចាស់ក្រុមហ៊ុនផ្ទាល់ លោក Mark Zuckerberg និងមួយទៀតជាភរិយារបស់លោក អ្នកស្រី Priscilla Chan មានលក្ខណៈពិសេសម្យ៉ាង។ គណនីរបស់អ្នកទាំង ២ ពុំមានជនណាអាច Block បាននោះឡើយ។
ជាធម្មតាឧបមាអ្នកព្យាយាមចុចប៊ូតុង Block ពួកគេទាំង ២ តែភ្លាមៗវានឹងលោតសារ Error មួយឆ្លើយតបមកវិញឲ្យព្យាយាមនៅពេលក្រោយ ប៉ុន្តែទោះព្យាយាមច្រើនប៉ុណ្ណាក៏មិនបានសម្រេចដែរ។
ជាប្រព័ន្ធពិសេសមួយដែលក្រុមហ៊ុនបានបង្កើតឡើង ហើយហេតុផលក៏ដោយសារជាធម្មតាគណនីដ៏មានឥទ្ធិពលរបស់ Zuckerberg រមែងបង្ហោះនូវព័ត៌មានពីជីវិតផ្ទាល់ខ្លួន និងព្រឹត្តិការណ៍សំខាន់ណាមួយ ដែលចាំបាច់ត្រូវចែករំលែកឲ្យអ្នកប្រើប្រាស់ទាំងអស់បានដឹង។
ប្រភព៖ Independent
